網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月3日 星期二

【好易俾人蝦】子女齊患選擇不語症 張崇德:返到學校係生存到嘅 __,張崇德,

張崇基、張崇德兄弟噚晚喺柴灣出席「第三屆童心同行慈善音樂會」,細佬崇德話聖誕同屋企人去咗旅行,農曆新年會接登台工作,至於大佬崇基就話聖誕大家各有各玩,所以新春唔會出埠。崇德話今年除咗會搞一個音樂劇,如果book到場地,或者喺年尾開演唱會,唱片就由崇基去主導。早排劉美娟接受訪問時話一對仔女有選擇不語症,崇德話囡囡日晴已經好番,但囝囝日希個病就嚴重咗,崇德話:「喺學校冇好過,本身呢類小朋友返到學校係生 ...




其他影片:>>






張崇基、張崇德兄弟噚晚喺柴灣出席「第三屆童心同行慈善音樂會」,細佬崇德話聖誕同屋企人去咗旅行,農曆新年會接登台工作,至於大佬崇基就話聖誕大家各有各玩,所以新春唔會出埠。崇德話今年除咗會搞一個音樂劇,如果book到場地,或者喺年尾開演唱會,唱片就由崇基去主導。早排劉美娟接受訪問時話一對仔女有選擇不語症,崇德話囡囡日晴已經好番,但囝囝日希個病就嚴重咗,崇德話:「喺學校冇好過,本身呢類小朋友返到學校係生存到嘅,學習冇問題,但就好易俾人蝦,有啲同學會特登撩佢講嘢,睇下佢係咪唔講嘢,我知道之後有同學校溝通,已經緊密處理。」自從報道出咗之後,有好多人問崇德兩公婆,因為佢哋嘅仔女都有類似問題,崇德話:「我都建議佢哋睇書,又同佢哋分享呢個症嘅跡象係點,平時我個仔講嘢好開心流利,但返到學就唔講。」問到係咪囝囝被欺凌?佢話:「唔會,佢喺幼稚園已經係咁樣,初時不以為意。上小學之後發覺唔係好妥,又收到投訴,返到屋企問個仔,佢講番當時嘅情況,只係嗰刻佢唔識去反駁,同講出個真相,所以都算係欺凌嘅。」講到治療方法,佢話除咗睇書之外,亦有家長透過facebook提供意見:「嗰位家長個女本身都有呢個情況,介紹咗一個西人嘅心理學家畀我,遲啲會帶個仔去試吓。」

子女患上選擇不語症,張崇德話多咗好多家長透過facebook提供意見。( 攝影:黃曉妍 ) 張崇基與張崇德出席「第三屆童心同行慈善音樂會」。 張崇德一家四口(資料圖片)

來源 source: http://s.nextmedia.com
鍾意就快D Share啦!