網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月3日 星期二

現身談戀情!黃心穎講馬明冧到震 __,馬明,黃心穎,心穎,馬國明,

馬明不如都出嚟回應幾句啦。無綫小花黃心穎被指與馬國明暗撻一年,忙於為無綫新劇《雜警奇兵》開工的她現身電視城,人逢喜事心情大靚,雖未肯承認戀情,但談及馬明時不時哈哈大笑。收到好多人恭喜對於記者送上恭喜,有備而戰的心穎掩不住笑謂:「冇嘢恭喜我喎!恭喜我上封面?唔係呀!都冇拍拖!(話你哋發展地下情一年!)報道話囉!今朝05先收工,到朝早個手機不停響,心諗實有事發生,好多人傳報道我睇,有人恭喜我,亦有啲八 ...


馬明不如都出嚟回應幾句啦。

無綫小花黃心穎被指與馬國明暗撻一年,忙於為無綫新劇《雜警奇兵》開工的她現身電視城,人逢喜事心情大靚,雖未肯承認戀情,但談及馬明時不時哈哈大笑。

收到好多人恭喜

對於記者送上恭喜,有備而戰的心穎掩不住笑謂:「冇嘢恭喜我喎!恭喜我上封面?唔係呀!都冇拍拖!(話你哋發展地下情一年!)報道話囉!今朝05先收工,到朝早個手機不停響,心諗實有事發生,好多人傳報道我睇,有人恭喜我,亦有啲八卦朋友,好似張頴康咁問係咪真,之後我睇到個報道標題話我車馬明返屋企,即刻諗幾時車過佢?之後睇相係各自揸自己車。(咁係咪去你屋企?)唔係,佢冇去過我屋企,唔知佢去邊。」

未入行已冧馬明

問到兩人可有發展空間?心穎指現時雙方是朋友,對於一直很冧馬國明,心穎即耍太極謂:「咁嗰時未入行,好多人睇電視都會有喜歡嘅演員,好似陳豪同馬國明咁,但入咗公司後又合作咁多次,就唔係嗰個feel,依家係朋友幾好吖!(你第一次都畀咗佢)拍劇嘛!當時不知幾緊張。」

拍《深宮計》演情侶

心穎坦言沒有設定理想對象類型,認為最緊要有感覺,問到可對馬國明有feel?她謂:「朋友囉!(佢有冇追你先?)我諗冇,都唔算追,佢個人係怕醜(話你主動追求!)係呀!話我溝佢嘛,真係冇呀,我個人又唔主動或者被動(你等馬國明公開先認 ?)唔係,咁佢有咩回應?(家姐心美都話等你自己講喎!)真係拍拖先冇咩人比我哋更清楚。」更指二人緋聞也曾被報道過,但不知為何如今再被翻抄,故今日也有與馬國明聯絡,雙方對話結論是「算是但!」

而完成《雜》劇後,心穎便投入無綫新劇《深宮計》,並預告劇中與馬國明演情侶,屆時二人定必朝多相對。


來源 source: http://hk.on.cc
鍾意就快D Share啦!