網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年6月12日 星期一

名人:不慎露Bra!婷婷自揭為男人爆喊 __,婷婷,

邊個可以令婷婷喊?老竇謝賢(左)?哥哥霆鋒(中)?定係緋聞男友「鷹眼」謝洛美維拿呢?藝人謝婷婷穿上DeepV裝現身珠寶活動,期間不慎露出nudebra ...


邊個可以令婷婷喊?老竇謝賢(左)?哥哥霆鋒(中)?定係緋聞男友「鷹眼」謝洛美維拿呢?

藝人謝婷婷穿上Deep V裝現身珠寶活動,期間不慎露出nude bra,她透露剛由上海拍戲返港。由於上海天氣不佳,故航班由早上延至晚上起飛,她最後決定改期遲一天才上機。問到有否因天氣而影響拍攝進度?她說:「上海落好大雨,我哋有好多室外景,所以唔可以夾硬拍,所以拍咗咁耐都未拍完。」婷婷稱過幾天便上海繼續拍攝。

驚喜探謝賢班

提到父親謝賢(四哥)拍攝的《賭城群英會》即將播出,她表示早前到了片場探班:「我除咗好細個嘅時候探過佢班之外,大個咗都冇,今次係第一次,因為我同契媽一齊食飯,契媽就住喺個片場隔籬,所以畀個驚喜佢,佢好開心!我覺得都幾搞笑,佢一着咗套戲服,就好似上身咁,同平時嘅佢好唔同,我要走埋一邊睇,因為我笑得太大聲,我平時見嘅爸爸同大家見到嘅係唔一樣。(會唔會想同爸爸合作拍戲?)我諗會拍好多takes,因為我會忍唔住笑,導演會好炆,所以一定要拍笑片或者喊片,因為佢係唯一一個會令我喊嘅男人。如果佢唔開心,我都會好難過。」至於父親節,婷婷在助手口中才得知父親在正日當天不在港。提到早前哥哥謝霆鋒送八千五百萬港元豪宅給謝賢,婷婷則稱不知父親是否已收樓,又指不會叫哥哥送樓給她,因自己有手有腳。

以為霆鋒冇唱歌

另外,婷婷對於霆鋒日前在街頭快閃唱歌,她認為是好事:「佢以前太忙,依家煮嘢食係需要同人溝通,佢好鍾意同唔同人交流,我覺得佢笑容都多咗,以前同佢講嘢,佢好似發緊夢咁,叫佢同我出去行吓都唔多想,但依家真係會聽你講嘢。」談到霆鋒有意開演唱會,婷婷搞笑地反問:「乜佢仲有唱歌咩?我以為佢冇唱歌。我都想佢開騷,佢嘅第一個演唱會我冇睇,因為當時我喺加拿大考試,我唔係一個會後悔嘅人,但都會諗點解以前已走幾堂考試去睇,因為之後睇番就知道好震撼。」


來源 source: http://hk.on.cc
鍾意就快D Share啦!