黃翊太太陳存正腎病復發，黃翊坦言開支好大，唔想去計使費！（資料圖片）
歌手黃翊日前在電台節目透露太太最近腎病復發，接受東網訪問時他表示太太陳存正患腎病已幾年，他說：「初頭看西醫，食好多西藥、類固醇，多到好似餐飯咁，好恐怖！食到個人好腫，佢本身都瘦，但最嚴重嘅時候去到一百六十幾磅，嗰日一瞓醒，我真係有少少唔認得，腫到好似米芝蓮公仔咁。」他指當時太太的免疫系統自我攻擊，他們無計可施下轉看中醫，幸好找到一個夾得來的醫師，慢慢調理好身體：「但我哋做漏咗樣嘢，冇去驗血同做身體檢查。近幾個月佢又開始唔舒服，好辛苦，有一日佢同我講想入院。其實佢都幾忍得，佢一咁講我都騰騰哋。」太太入院後，檢查到腎的情況幾壞，很多細胞都不活躍：「如果細胞死咗就救唔番，但盡量希望救番醒唔活躍嘅細胞。」
條數幾得人驚
說到太太看私家醫生多年，黃翊表示已忘記花了多少錢：「亦都唔想計數，因為條數都幾得人驚！睇私家樣樣都係錢，雖然有買保險，但人哋出雞我出豉油我都死！」可惜這次入院療效不大，而醫生又好像不太熱心，令他們非常擔心，於是接受朋友建議，轉往港島區的公立醫院：「太太有腎病所以身體唔識排毒，毒素指數好高，接近九百，好快仲過千，好危險，影響到佢睇嘢都矇查查，佢好驚，我聽到都好擔心，唔知點算好。」
去廁所得幾滴
居於大埔的黃翊即使路途遙遠，但每天都會買太太喜歡的食物去探她：「但當然唔會買濃味嘅嘢，佢亦都唔可以飲水，只可以濕吓個口。因為當時佢身體已經有好多水，又唔係好屙到尿，得幾滴。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|