黃翊話太太陳存正洗血後情況好轉，只係仍未完全退水，腳跟部位嘅水腫仍然嚴重。
歌手黃翊早前宣傳新歌，太太卻因腎病入院，他自言魂魄唔齊和很疲倦：「冇辦法，個天要考驗我都要接受。」他接受東網訪問時表示太太洗血後情況好轉，只是到現在仍未完全退水，腳跟部位的水腫仍然嚴重，之後亦有進出醫院，但已由港島區轉到大埔的醫院：「知道要洗腎，初頭諗住仲有得救，但唔得就惟有接受。依家學緊點用同消毒，申請緊租部機擺屋企。多謝大家好有心，我太太依家OK，我啱啱先同佢行完街。」他指除了使用洗腎機，亦可以每日孭住兩公升水，插喉在身上就可以四處走動，但他的太太身體比較虛弱，孭兩公升水很辛苦，所以決定每晚洗腎十個鐘。
椎間盤突出
問到兒子是否知情？黃翊指兒子知情，但不明白事件的嚴重性：「佢得十二歲，又見到媽咪可以走嚟走去，只係冇氣冇力咁。佢都好錫媽咪，成日都會攬住媽咪。」至於黃翊數月前椎間盤突出，他自言不小心，幸好現已康復不少：「當時好棘手，佢影響到我錄音都錄唔到，我一集中唱歌，隻手就好似觸電咁，痹到我瞓覺都瞓唔到，要半坐咁瞓，個幾星期都係咁。」他透露看了跌打和脊醫都不行，結果進了私家醫院檢查和做物理治療：「物理治療都唔係好有效，但拉頸就好有用，買咗拉頸嘅用品，類似吹氣頸枕，令我頸部冇咁壓迫。每日用半個鐘，依家已經好咗八成，打算再去打波。但其實我呢啲唔算乜嘢，最重要我太太冇事。」
---------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|