2011年拍綜藝撻着Patrick Sir關宛珊 深圳平買婚紗揭已婚 __,關宛珊,

■關宛珊早前到深圳試婚紗，被讀者「爆相爆片」分享喜事。【爆相爆片】現年32歲美味天使「蜜瓜」關宛珊被「補習天王」林溥來（PatrickSir）俘虜做人 ...

■關宛珊早前到深圳試婚紗，被讀者「爆相爆片」分享喜事。

【爆相爆片】

現年32歲美味天使「蜜瓜」關宛珊被「補習天王」林溥來（Patrick Sir）俘虜做人妻，日前他們到深圳試平價婚紗被讀者「爆相爆片」分享，原來兩人臨近七年之癢，早前蜜遊墨爾本時，Patrick Sir在水中向女友求婚成功。昨日關宛珊被問到買婚紗時，她自揭兩人已在關島註冊，已是人妻的她揀到深圳買婚紗是補影婚照。

入行九年的「蜜瓜」關宛珊只認過現年40歲的「補習天王」林溥來（Patrick Sir）是男友，11年兩人到日本拍《勁食日本一》撻着墮入愛河，翌年已公開戀情，趁七年之癢前拉埋天窗，日前兩人秘密到深圳試婚紗，被讀者白小姐透過「爆相爆片」分享喜事。

白小姐接受電話訪問表示：「嗰日喺深圳婚紗店見到Patrick Sir同關宛珊，女嘅喺度揀婚紗，男嘅全程坐埋一邊撳電話，之後婚紗舖啲職員都好識做，叫佢哋到上面嗰層慢慢揀，話上面嗰層冇人，關宛珊臨走過嚟指一指我件婚紗，同職員講話要改呢隻布，見佢哋都有做畀錢之類嘅動作，不過唔知揀咗邊件。如果真係結婚嘅話，真係恭喜佢哋！」

■Patrick Sir坐在一旁撳手機，打發時間。讀者提供圖片

■讀過時裝形象設計的關宛珊DIY婚紗，並找澳洲攝影師在布里斯本影婚照。

■關宛珊（左二）和Patrick Sir拍綜藝節目撻着，臨近七年之癢拉埋天窗。資料圖片

「警戒周圍望」

相中所見，着牛仔衫襯闊腳褲的關宛珊赤腳揀婚紗，指手畫腳問男友意見，白小姐表示：「佢哋應該唔係第一次上去，女嘅揀完會嗌過去問男朋友，男嘅話之前嗰件好啲，可能本身揀好咗。」問到兩人有否拖手？白小姐說：「見Patrick Sir會主動攬女朋友，男仔警戒心高啲，不時周圍望，冇諗到佢地都會上深圳做婚紗咁低調。」

深水埗搵布

為甚麼去深圳試婚紗？關宛珊笑說：「我睇到同一件婚紗，呢間公司比起美國一個網站平5倍，都係made in China，仲可以度身訂做任改，咁我做咗件婚紗返嚟，再去咗深水埗棚仔搵布，再搵香港嘅designer幫我加加減減，自己以前係讀時裝形象設計，重拾番返學做project嘅感覺，覺得好有意思。」

採訪：皓騫

來源 source: http://hk.entertainment.appledaily.com

鍾意就快D Share啦！

下一篇 》