網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月8日 星期四

美麗華商場開鋪賺得 6千蚊老闆:唔係咁好搵! [壹週刊 - 1461 - 財經] __,M1,

成立八年的MottoLeather一年前衝出工廠,在美麗華商場開設分店,更由最初只租200呎的教室,到現在租逾2,000呎的工作室,平均每月營業額達二 ...






成立八年的 Motto Leather一年前衝出工廠,在美麗華商場開設分店,更由最初只租 200呎的教室,到現在租逾 2,000呎的工作室,平均每月營業額達二十萬元。

壹盤生意

美麗華商場開鋪賺得 6千蚊老闆:唔係咁好搵!

皮革手作,令人想到的是工廠教室,發展空間有限。

成立八年的 Motto Leather,嘗試由最初只租二百呎教室,發展到千呎工作室,去年再衝出工廠,在尖沙咀美麗華商場開設分店,平均每月營業額由十萬升至二十萬元,但扣除成本後,此分店每月只賺六千大元。

兩位八十後創辦人容銳剛( Ivan)及翁婷姿( Gigi)苦笑道:「唔係想像中咁好搵!」

做落去最大原因,純粹因為想:堅持。

「其實以前做教室,賺得仲多,每月可以有三到五萬,但而家規模愈大,添置機器愈多,租金亦愈貴。」美麗華分店由兩間鋪組成,一邊是零售,另一邊是教學工作室,兩間鋪只隔一條行人道,位處口位人流頗旺。 Ivan憶述:「最初喺一六年時,喺 K11同朋友分租一個二百五十呎細鋪。後來美麗華零售主任對我哋有興趣,主動接觸我哋。其實都有其他商場,好似朗豪坊接觸我哋,但當佢哋知道我哋盤數,就知我哋無辦法租到。美麗華租金已相對較平。」

美麗華分店開張後,營業額由工廠教室的十萬元,升至平均二十萬元,不過人工租金樣樣都貴,扣除後,美麗華分店只有近六千元盈餘。兩位老闆都表示:「唔係想像中咁好搵。」而且皮革市場也有淡旺季,兩人表示經營皮革要「好天斬埋落雨柴」。 Gigi表示十一月到二月期間,在聖誕及情人節的送禮旺季,收入會比淡季增長達一倍, Ivan指:「有時都係啱啱好夠交租同俾人工,我哋兩位老闆都無人工出,要拉上補下先填到條數。」其次,假期長短也是顧客考慮參加課程的因素, Gigi表示:「長假大家都去旅行,仲點會嚟上堂。」





兩人在創業初期,自家設計的「字母卡套」,曾遭其他行家抄襲,雖然最後該行家把相關的產品下架,但卻阻止不了剽竊之風。





Motto Leather的產品採用

意大利皮革,全人手製造。

創業困難重重

現時 Motto Leather以顏色多作招徠,有三種布料、二十七種不同顏色供選擇。四年前開始從意大利布商購貨,因為需要大量入貨,每次會買半年以上分量,動用存放,租金壓力自然上升,而且遇上滯銷更會影響資金周轉及現金流。而港人對手作產品未必很欣賞,名牌效應在香港仍根深柢固,部分客人認為一個卡片套賣三四百元很貴,但顧客未必了解當中需要由意大利入口皮革,又要付出人工、租金及時間成本。 Motto Leather的產品九成以人手製造, Ivan坦言曾考慮把香港製造轉為大陸廠商生產,但這樣又會失去個人化及手造的品牌特色。

加上香港知識產權薄弱,兩人在創業初期,自家設計的「字母卡套」亦曾遭其他行家抄襲。雖然最後該行家把相關產品下架,但隨着網購興起,抄襲的地方不單只來自香港,更多來自中國大陸。「我試過喺淘寶見過一樣嘅設計,甚至連張圖,都係複製自我哋網站,依家見到都只可以無奈接受。」他們隨後設計另一款自家產品黃銅筆時,已申請專利,但兩人坦言成效不大,「唔少做設計嘅朋友都話,其實其他人改一改,就可以當自己設計。」





許小姐使用自選系統訂購卡片套的材料盒後,便能在家中組裝,過程方便。





顧客在網上訂造皮革產品時,網站會提供紙樣,然後顧客根據自身需要選擇顏色,可即時呈現成品的效果。

自選系統節省成本

兩位老闆拍拖十年,最初在大學時,只視皮革為興趣,隨着二○一一年手作皮革興起,兩人看中熱潮開辦教室,在創業初期積極在網絡宣傳。 Gigi表示:「當時團購仍然好流行,我哋已經有將課程分銷俾團購網站,雖然當中價格有蝕,但估唔到增加咗不錯嘅客源,令我哋一步步建立口碑。」由於皮革課程動輒數小時,在互相閒談下儲到人脈。如是者他們以成本價替各大企業訂造卡片套及舉辦工作坊。 Ivan指:「有一、兩年個熱潮升得好快,但近年嘅升幅就比較平穩,開美麗華鋪都係想顧客更加有信心。」 Ivan表示:「其實依家美麗華鋪都仍以教學為主,零售都係搏吓。」

有見皮革市場在經營上的種種艱難,而且競爭愈趨激烈,兩人亦急急變陣,轉移投放資源使顧客有更佳的服務體驗, Ivan前後就投放了近二十萬元更新網址,並受 NIKIiD啟發,在上年開發全港首個自選皮革顏色的系統。顧客在網上訂造皮革產品時,網站會提供紙樣,然後顧客根據自身需要選擇顏色,可即時呈現成品的效果,「唔使你有你講,佢有佢講。」記者在美麗華分店,就觀察到學員透過電腦使用該系統訂購皮革銀包的經過。其間無須任何員工招待,只要等待學員完成選項,員工便立即根據紙樣裁剪布料,過程十分鐘便能辦妥,更可以即時安排上堂,整個過程減少了員工負擔,亦能使顧客有更多選擇。 Ivan表示有一個清晰的網站很重要,曾因為網站簡陋而流失客人,不過投資在網站的金額至今仍未回本,只是蝕住做。





黃銅筆以原條六角形黃銅條切割,再壓上熨金字。





Motto Leather的課程,無需設置一定人數才開班,令顧客可以主導時間增加客源,一班內的學員可以各自做皮革手工製品,令課程安排更具彈性。

非一般員工教師轉行做皮革

不同於一般皮革課程以小組形式主導, Motto Leather看到此模式,往往需要一定人數才能開班,變相流失潛在客人,故轉移開設以個人為主導的課程,無需設置一定人數才開班,令顧客可以主導時間增加客源。而且不是銀包課程一組、卡片課程一組,一班內的學員可以各自做各自的皮革手工製品,令課程更具彈性。不過這安排對員工的入職要求便大大提高。

現時 Motto Leather有五名員工,不同於一般零售行業,員工要「一兼三職」,負責教學、零售及皮革製造,工作並不簡單。原來兩位全職員工 Ivy及 Gary是由教師轉行做皮革,在教班時自然得心應手,其中 Gary更由大學擔任兼職到近年轉為全職,「喺二○一二年經朋友介紹認識 Motto,之後就開始做兼職,畢業之後做咗一年通識老師,但最後發覺自己比較鍾意皮革。而且 Ivan同 Gigi都好照顧我,教咗我好多皮革知識,所以我就全職喺 Motto做。」 Ivan表示雖然兩位員工的薪金會比一般零售員工高,但他表示可以令顧客有更好的服務,又可以凝聚到一班手作人,所以他願意付出,相信藉此自己的品牌才可以發光發亮。





Ivan表示隨着規模愈大,布料及添置的機器也需要地方放置,租金的成本也隨之上漲,現時新蒲崗的工作室逾 2,000呎,身兼教室及貨倉用途。





美麗華分店由兩間鋪組成,一邊以零售為主,而另一邊是教學工作室, Ivan相信開設零售點,可以令顧客增加對品牌的信心。

開業資料

( 5/2011)

入貨$10,000

器材$10,000

租金$3,000

總投資$23,000

營業資料

( 2/2018)

營業額$200,000

租金$55,000

薪金$90,000( 7人)

入貨$30,000

廣告$6,000

水電雜費$6,000

盈利$13,000

撰文:陳世鍾

攝影:廖健昌,關永浩


鍾意就快D Share啦!