熱爆娛樂: 婚事撻 Q 37歲姚子羚同闊少分手 [壹週刊 - 1461

2018年3月8日星期四

婚事撻 Q 37歲姚子羚同闊少分手 [壹週刊 - 1461 - 生活] __,姚子羚,M1,

姚子羚同擁有過億身家的鄭子邦拍拖三年，子羚一直等住做「鄭太」。

探熱針

婚事撻 Q 37歲姚子羚同闊少分手

37歲姚子羚（ Elaine）與過億身家的鄭子邦（綽號的士邦）拍拖三年，近年更進駐男友位於赤柱紅山半島的豪宅過同居生活，更頻傳婚訊，早前胡杏兒暗示今年有「胡說八道會」姊妹好事近時，個個都以為姚子羚終於嫁得出！

已屆適婚年齡的姚子羚一直等住做「鄭太」，但鄭子邦卻施「拖子訣」，加上浪子性格未玩夠，有傳二人在上月終攤牌分手。

結唔成婚，兩人掟煲唔掟蓋，鄭子邦繼續讓姚子羚邊住豪宅邊另覓新居，當補償！

近年成功進駐男友於赤柱豪宅做女主人的姚子羚，拍拖期間經常做跟得女友。

甩拖後的姚子羚好彩有狗仔陪住慰藉。

前年姚子羚俾狗咬傷面，一度破相要停工休息，當時男友的士邦公開話有結婚打算，但兩年一直未找數。

已屆適婚年齡，姚子羚恨嫁都好正常，只可惜男友性格吊兒郎當。

甩拖後，上月姚子羚趁假期，同「胡說八道」姊妹去布吉散心。

失戀心情未平復，新年期間她再約姊妹龔嘉欣飛去沖繩散心。

姚子羚在沖繩散心同時，鄭子邦同丁子高一班老友飛去澳洲度假。

離過婚唔想再婚

入行以來，一心釣金龜的姚子羚，男朋友個個非富則貴，曾與夜場老闆 Patrick拍拖四年，但有傳逼婚不遂，最終分手收場，甩拖無耐，姚子羚即有新目標， mark實身家過億兼擁有過百部的士的鄭子邦，二人拍拖三年，姚子羚前年正式搬入男友位於赤柱紅山半島的豪宅做女主人！

吸取上次經驗，恨嫁的姚子羚唔敢開聲，但就夾埋成班姊妹，在去年播出的節目《胡說八道真情假期》中，做場大龍鳳，胡杏兒扮其男友鄭子邦求婚，姚子羚冧爆應承，向男友曲線催婚，不過有指鄭子邦唔受呢套。「阿邦不嬲都係浪子性格嗰 type，睇得出佢根本未玩夠，佢本來都覺得同 Elaine拍拖相處得好舒服，但自從女方身邊朋友個個催佢哋結婚，搞到佢開始有壓力，加上阿邦曾經離過婚，佢唔想再拖累人哋，而且阿邦父母已經走咗，佢根本唔急住再結婚！」身邊好友透露。

去年在節目《胡說八道真情假期》中，胡杏兒扮鄭子邦預演婚禮，隔空幫姚子羚催婚。

日前李施嬅在 Ig貼出同「胡說八道會」姊妹飯聚合照，並 hashtag「 just be happy」（只要開心），又寫：「 We support no matter what decisions by yourside」（無論你決定如何，都支持你），安慰失戀姚子羚，但未幾就刪了這一句。

早前元宵佳節，好姊妹胡定欣見姚子羚甩拖，就陪她睇日落兼 po相晒「閨蜜情」。

分手回應鄭子邦：你問佢

本週二(6/3)，本刊記者致電鄭子邦求證他與姚子羚分手一事。

壹：你同姚子羚係咪已經分手？

邦：你搵番佢啦，我唔係呢行！

壹：係咪因為婚事傾唔埋？

邦：你問佢啦，我喺公司開緊會！

壹：佢搬離你個紅山半島物業未？

邦：我唔係呢行，你搵佢講啦，我真係做緊嘢。

新年前講分手

唔想無了期乾等，有指姚子羚不時試探口吻，睇男友態度。鄭子邦自知拖無可拖，唔想嘥女友時間，故上月兩人因結婚問題講唔掂數，決定分手。「 Elaine等咗咁耐，想係想要個名分啫！但阿邦就唔想再有家庭，呢個位無辦法有共識，阿邦話俾個冷靜期大家諗清楚，但就叫佢繼續住喺自己度先，唔使急住搬，掟煲未掟蓋！」

去年姚子羚拖埋男友鄭子邦出席活動時，就公開話希望同對方行到「結婚」的一步。

拍拖期間，姚子羚經常跟埋鄭子邦與一眾親戚去旅行。

雖無正式給姚子羚名分，但鄭子邦經常帶她出席朋友聚會，融入他的朋友圈。

去年十一月，姚子羚在《馬來西亞星光薈萃頒獎禮》中奪得「最喜愛 TVB女配角」，有感而發公開多謝男友鄭子邦。

失戀搵姊妹陪散心

新年期間，鄭子邦同兄弟丁子高夫婦一家兼成班老友飛去澳洲度假，曾經融入男友圈子的姚子羚，因在新年前突然失戀，心情低落的她即急搵好姊妹兼從前室友龔嘉欣陪住飛去沖繩旅行散心。

姚子羚失戀，「胡說八道」姊妹即約安慰飯局，李施嬅更在 Ig貼出的大合照中， hashtag一句：「 We support no matter what decisions by yourside」，外界以為黃智雯婚期延遲，實質是安慰失戀的姚子羚。「佢嚟緊返內地拍《包青天》，好在可以寄情工作，拍完套劇， Elaine諗定去東非旅行散心，始終三年感情，又視阿邦做結婚對象，唔係可以話放低就放低，好傷！」知情者說。