網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月8日 星期四

布吉返港謝晒皮,杏兒 Philip開行 turbo追多個 [壹週刊 - 1461 - 生活] __,杏兒,胡杏兒,M1,

著吊帶裙的杏兒大晒三吋事業線,成功搶fo!探熱針布吉返港謝晒皮,杏兒Philip開行turbo追多個一向事業心重的胡杏兒,自從升級做阿媽,俾得意仔Br ...






著吊帶裙的杏兒大晒三吋事業線,成功搶 fo!

探熱針

布吉返港謝晒皮,杏兒 Philip開行 turbo追多個

一向事業心重的胡杏兒,自從升級做阿媽,俾得意仔 Brendon(李奕霆)融化,唔願復工不特止,仲話要食住上追多個。

言出必行!新年過後,杏兒同老公李乘德( Philip)撇甩 B仔,飛去布吉享受陽光海灘。難得過二人世界,兩公婆把握黃金機會努力造人,分分鐘兩個去三個返喇!

唔只追一個

結婚當日,杏兒在「李家祠堂」對住鄉親父老戲言要「一年抱三」。結果婚後年半,杏兒一索得男,誕下李家長子嫡孫,總算有個交代。不過杏兒未打算收手,早前接受本刊訪問,仲話:「一定追多個!唔只一個!」今次兩公婆趁住要飛布吉出席朋友婚禮,決定放低 B仔,享受二人世界。

「阿 B出世差唔多五個月,兩公婆都冇時間二人世界,今次咁啱有朋友喺布吉結婚,佢哋要去觀禮,咪乘機去拍吓拖,抖吓氣囉!其實杏兒都唔捨得㗎,不過阿 B喺香港有嫲嫲睇住,佢哋一萬個放心喇!」杏兒身邊人透露。







無阿仔喺身邊,兩公婆即刻變番大細路。





杏兒同 Philip飛布吉出席朋友婚禮,順便過二人世界。

谷奶升 cup

上個星期,杏兒同 Philip出發飛去布吉後, Philip急不及待打卡,喺 Ig po咗同老婆自拍相。相中的杏兒著住白色吊帶裙,露出三吋事業線。比起以往骨杉杉身形,做咗人母的杏兒明顯又再升 cup,難怪早前杏兒得戚自爆餵全人奶,睇嚟呢位新手媽咪奶水好充足!







肥嘟嘟的 Brendon,眼仔碌碌勁似爸爸,難怪杏兒日對夜對,不想復工。





早前兩公婆幫 BB擺百日宴,招呼親戚朋友。

返港謝晒

布吉之旅四日三夜眨眼過,兩公婆坐夜機返港,出閘時李生李太謝晒皮,冇化妝的杏兒頭戴白色 Balenciaga潮帽,一身運動服,面青青,個樣攰到爆!至於尾隨的 Philip推住兩個大喼,一樣冇厘神氣。兩公婆一前一後急急腳直奔去停車場,杏兒交低行李比老公後,自己火速跳上車。







玩完四日三夜,返港時杏兒同 Philip都謝晒皮。





杏兒一支箭衝去停車場,完全無理老公。





Philip將行李搬上車,粗重工夫一手包辦。

限量接 job

去年憑住劇集《那兒花開月正圓》,杏兒在內地人氣急升,不過自從 B仔出世後,杏兒事業心熄滅,連推幾套劇集,就算廣告商重金禮聘杏兒同 Brendon母子檔亮相,她都不為所動。

「杏兒都冇諗過自己會咁大轉變,佢本來真係打算一坐完月就復工,但 BB真係太得意、太好玩,根本唔捨得放低佢去開工,所以拍劇一定唔使諗,啲簡單嘅 job都可以限量接吓。」







早前杏兒被拍得湊仔遊西貢,身邊仲有奶奶傍實,其間仲幫囝囝換片。







去年大住肚的杏兒,唔理老公反對,堅持同班姊妹出發去澳洲拍旅遊特輯。





產後杏兒積極做瑜伽,話咁快回復未生時的弗爆身形。





新年期間,「胡說八道」姊妹約埋去李家拜年。

全職媽媽

圈中有不少女藝人生 B後,對幕前無心戀戰,甘做全職媽媽,以湊仔為樂,無復出打算。

鍾嘉欣

15年閃嫁脊醫 Jeremy,並火速誕下愛女 Kelly後,鍾嘉欣明顯減產,大部分時間長居溫哥華照顧女兒;早前,鍾嘉欣在社交網貼出全家福宣布再度有喜,並承認已離巢無綫,專心安胎湊女。

官恩娜

15年,誕下囝囝 Bé Bé G後,官恩娜對歌唱事業完全放低,全情投入湊仔生涯。今年一月她再誕下細女 Aurelie,雖然推出新歌《寶貝女》送給一對仔女,但仍未有意復出,就算一直有不少廣告及商場騷敲門, Ella都不為所動。

楊愛瑾

自去年三月誕下囝囝 Luken後, Miki幾乎絕跡幕前,不時於 Ig洗版大晒湊仔相,過住幸福少奶奶生活。

撰文:娛樂組

攝影:陳亦龍


鍾意就快D Share啦!