當年阿姐演《楊門女將》，高八度唱出主題曲「英姿煥發，威風震番邦……」，祖藍邊踢纓槍邊唱阿姐腔，簡直攞佢命三千。
探熱針
福祿壽 solo挑機王祖藍踢纓槍：驚輸俾佢兩個
「福祿壽」騷三月八日開鑼，三個扮嘢王，在 solo一 part各出奇謀，其中王祖藍鎖定汪阿姐做目標，模仿她在《楊門女將》耍纓槍，唔想俾兩位拍檔絕招片低，踢到腳腫都要頂硬上。
向汪阿姐致敬
踢到腳腫
廿年前在演藝學院讀書的王祖藍，中式雜耍及戲曲是必修科，廿年後今日終在「福祿壽」騷大派用場。上週他在天台補課，踢纓槍踢得有板有眼，為咗台上呢分鐘表演，祖藍辛苦練習，踢到腳背腫晒，為的是向汪阿姐認真致敬。
王祖藍說：「唔可以成日唱佢《迷人 Pink Lady》同《熱咖啡》，要練番啲嘢，認真地向佢致敬，我老師跟番汪阿姐《楊門女將》原裝嗰段表演動作俾我學，等阿姐睇到，知道我係幾咁認真模仿佢。」
祥仔減廿磅
踢纓槍唔係最難，難的是邊踢邊扮汪阿姐高八度的曲腔唱《楊門女將》主題曲：「英姿煥發，威風震番邦……」祖藍捱唔夠兩句，就由高八度直插落低八度。
「阿姐唱腔真係唔易學，學佢唱咗幾句我就冇晒電，用番自己低八度唱，哈哈！今次我哋三個各有 solo，祥仔同思捷簡直出絕招，祥仔減咗廿磅，除咗塊面，成個身形都去番新秀時，同三十個 dancers一齊跳，勁過郭富城。
思捷屎橋夠爆
思捷雖然都係扮四大天王，但轉咗少少嘢已經好正，條橋係佢踎廁所一粒鐘度出嚟，名副其實屎橋，我係食老本，乘機重溫讀演藝時學過嘅嘢，紅館個台闊好多，到時萬一失手，成個表演就唔好睇，到時我驚輸俾佢兩個。」
撰文、攝影：娛樂組
來源 source: http://hk.next.nextmedia.com
|
鍾意就快D Share啦！
|
|
|