「我未入行之前，電影對於我嚟講就係一個未知領域嘅地方，入行之後就覺得係一個好有人情味、有一班好有夢想嘅人嘅地方。」見到鄧月平，可能你哋會諗起 36F？巨胸翠如？周秀娜？今日，要講你知，佢入圍咗金像獎最佳新人！「收到消息嘅時候啱啱開緊工，係我之前拍攝嘅一位導演話我知，我好淡然咁「哦」咗一聲，佢話你興奮啲啦，我話拍緊嘢，個角色唔可以太興奮，其實第一刻知道嘅時候，係抑壓住自己興奮嘅心情。」
咁究竟佢係憑邊套入圍？去片！「我覺得自己係一個幸運兒，所以成日都好感恩，因為我覺得做嘢又好，拍電影又好，或者學業、成長路上都好，我覺得人一定係碰碰撞撞去成長，但我好幸運就係遇到自己嘅伯樂，旦哥（鄭丹瑞）係我一個好大嘅伯樂，佢幫咗我一把，我記得曾經講過一句說話，如果唔係因為旦哥我係應該唔會入呢行。」咁鄧月平有冇信心攞獎呀？「首先《小男人週記》係一部港產片，而且係港產經典喜劇，入圍都好開心，我覺得攞獎機會應該係留俾一啲⋯⋯我知道凌文龍喺呢一行好多年，我知道佢喺舞台劇方面努力咗好多年，我覺得呢個獎係應該頒俾佢。」估唔到鄧月平咁中立，俾個Like你！
來源 source: http://nextplus.nextmedia.com
|
鍾意就快D Share啦！
|
|
|