保護仔女係父母嘅天職。
歌手黎瑞恩（小恩子）育有一女一子，她表示囝囝遺傳了媽咪的音樂細胞笑說：「佢唱歌好得，佢3、4歲大睇人哋表演，有隊菲律賓Band喺度唱歌，佢會自己行上台攞住支咪唱，唱完一隻佢唔肯落嚟，仲問人識唔識另一隻歌，跟住再唱好搞笑。」她表示女兒同樣唱得，不過個比較怕醜。
小恩子近年成立了自己的製作公司，將來她可會栽培自己一對仔女？她說：「唔會囉，我唔會希望佢哋做歌手，（點解？）因為唔想佢哋去承受一啲壓力，唔一定係輿論，依家網絡世界咁犀利，可能佢哋會諗點解啲人會鬧我？如果佢哋個底冇番咁上下，好易受到影響，佢哋唔會諗就算你做得好好，呢個世界都會有人唔鍾意你㗎嘛，都會有人批評你，就算你識唱到飛起，你都要接受人哋批評，善意嘅批評，當然接受，唔善意批評咁點呢？好似以前嘅我會好嬲，但依家我會笑吓！所以做乜要受呢啲咁無謂嘅傷害，最緊要讀好書，如果佢都話要做歌手，我都冇辦法㗎！始終佢條路係佢自己揀，不過我會話佢知：『你要行，你就要去承受呢啲事。』」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|