網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月9日 星期一

拍片放閃!準媽媽宋熙年嫌陳智燊太煩 __,宋熙年,陳智燊,

Sarah同Jason拍片放閃!娛樂圈喜事一浪接一浪,唔少藝人婚後都努力造人,直到最近終於傳出喜訊!除咗歌手陳柏宇晒出超聲波相宣布老婆符曉薇佗B之外, ...


Sarah同Jason拍片放閃!


娛樂圈喜事一浪接一浪,唔少藝人婚後都努力造人,直到最近終於傳出喜訊!除咗歌手陳柏宇晒出超聲波相宣布老婆符曉薇佗B之外,喺2016年拉埋天窗嘅藝人宋熙年(Sarah)同陳智燊(Jason),上星期亦喺社交網站上載與寫住「BOSS BABY」嘅BB車合照,宣布將榮升父母,唔少圈中好友同粉絲紛紛送上祝福,並表示期待BB嘅來臨!

擁有共同YouTube頻道嘅Sarah同Jason經常拍片同網友分享生活點滴,而佢哋前日上載咗以「我地(哋)第一個baby,我地(哋)第一個baby vlog」為題嘅短片嚟迎接BB嘅來臨!雖然Sarah佗B只有三個月,但係作為準媽媽同爸爸嘅Sarah及Jason已經為Boss準備咗BB車,向來知慳識儉嘅Sarah仲話BB車係喺內地網以三百幾蚊人民幣購入,認真精明!而宣布造人成功嘅嗰張「BOSS BABY」BB車相嘅花絮片段,係佢哋自己去公園Set腳架影,唔講仲以為係請咗專業攝影師操刀添!

不過作為新手準爸爸嘅Jason就化身「緊張大師」做Sarah嘅食物監督員,Sarah仲扮Jason講嘢:「Oh my god,佢乜都唔畀我食囉!嘩,唔好食呀!嘩,坐低着鞋呀!好煩呀!」當聽到Sarah話自己係屋企嘅女皇時,Jason即刻話:「係,不過都要聽我話。」大家真係要小心慎入,免得被閃光彈閃親呀。不過大部分網民都好受落,仲讚佢哋幾時都係對Sweet爆嘅夫婦,相信就算生咗小朋友,佢哋都依然咁恩愛。

網民有話兒:

謝xxxxfe:恭喜🎊🎈🎈睇咗咁耐成日都諗幾時生小Jason小Sarah,上次個米米條片都好有父母Feel😂祝陳寶寶快高長大,身體健康!一家三口幸福快樂。

Mxxt xxu:instagram 知道左(咗)呢個好消息之後,等你地(哋)出呢條片好耐喇:)

mooklook C:Sarah真的得天獨厚,感覺上好像還瘦了面更尖了!多多休息,恭喜陳氏伉儷。

西xxxxxxxet:恭喜呀!多數媽咪靚女第一胎會生咗囡囡先㗎~

cxxxxe xxng:很高興知道你哋將為人父人母,恭喜晒你哋。準媽咪樣樣都要小心呀, 特別飲食方面, 希望你哋生個健康活潑嘅BB。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!