闊別紅館七年喇！古巨基（基仔）今年五月再踏紅館舉行《WE我們古巨基世界巡迴演唱會香港站特別版》，粉絲反應非常熱烈，日前的網上預售全部爆滿，公開發售加至四場，半日內又再次爆滿，英皇娛樂即宣布為基仔再度追加5月10日一場，並在本月16號公開發售，之前買不到飛的歌迷記得16號要盡早撲飛！
特製加場麵
基仔前晚宴請一班TVB的幕後人員，答謝他們為音樂特輯《古巨基初心再體驗》和《流行經典50年》的辛勞付出。英皇行政總裁許佩斯、英皇娛樂集團營運總裁霍汶希、演唱會部總監馮貽柏及一眾英皇同事均有出席慰勞宴，席間基仔最喜愛的「水煮魚」和「炸大腸」等菜上桌時，霍汶希說：「呢三味特登點畀你食嘅！炸大腸！祝你演唱會炸爆每一場！」英皇一班同事為慶祝基仔演唱會反應熱烈、二度加場，特製了《大紅大紫火辣水煮魚加場麵》來整蠱基仔，行政總裁許佩斯說：「呢個熱辣辣長壽麵，慶祝你場場售罄！」然後當大家叫基仔夾最喜愛的水煮魚時，就發現裏面的麵條愈夾愈長，基仔邊夾邊笑手腳亂：「喂，點解咁長？」坐基仔旁邊的Alex（馮貽柏）這時就突然拿出一個加場牌子插進水煮魚中說：「咁紅咁火辣就一定係加（長）場」然後一眾同事齊齊與他飲杯慶祝他演唱會大成功一加再加！加長兼夾極都唔斷的《加場麵》令基仔又意外又開心。
古太英勇頂酒
期間經理人霍汶希叫基仔乾杯，但基仔就望住坐去另一圍的古太，不停話：「以茶代酒」、「問過老婆先，應該唔畀飲…」場面十分搞笑，古太聞言即說：「真係唔好飲呀！聽日又要拍嘢會水腫！」然後古太突然很英勇地站起來說：「我幫佢頂我飲！」Mani見古太咁勇，即上前叫她一乾再乾，三杯啤酒落肚，古太似乎不勝酒力開始醉，愛妻心切的基仔即臉色大變，叫Mani不要再灌古太。
多謝歌迷支持
問基仔二度加場的感受？他表示想不到同事這樣有心思地為他慶祝，因此感到十分開心：「二度加場當然開心好多謝歌迷支持，買唔到飛嘅歌迷，16號要盡快撲飛，為咗答謝大家、我會盡力做好個騷。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|