掃呢頁CODE去手機

2019年3月19日 星期二

朱千雪:何廣沛盡情睇歐聯 朱千雪煲超英片偷師 __,何廣沛,朱千雪,

無綫昨日(18日)於灣仔會展舉行的香港國際影視展(FILMART)2019,舉行myTVSUPER三周年暨myTVGold發布會,無綫行政總裁李寶安、 ...


無綫昨日(18日)於灣仔會展舉行的香港國際影視展(FILMART) 2019,舉行myTV SUPER三周年暨myTV Gold發布會,無綫行政總裁李寶安、總經理鄭善強、myTV SUPER Limited營運總裁林桂興、香港寬頻網絡有限公司持股管理人及行政總裁黎汝傑等出席,藝人麥明詩、朱千雪、何廣沛都有撐場。

myTV SUPER推出至今近三年,擁有超過730萬個登記用戶,2018年全年平均每星期影片瀏覽量高達2,600萬次,每星期總收看時間超過1,900萬小時,是全港最大的OTT平台。昨日無綫宣布於4月1日推出全新myTV Gold服務,提供強勁國際級內容,包括直播歐聯、歐霸、意甲、法甲賽事,香港首條24 小時4K紀實(紀錄實況片)頻道及節目,以及本地及海外優質電影。

myTV SUPER客戶升級

無綫行政總裁李寶安表示:「只要擁有myTV Gold,任何類型的觀眾總可以揀選到心水節目。我衷心感謝各合作夥伴及內容供應商,特別感謝香港寬頻一直全力支持,令觀眾可以享受最穩定的高畫質傳送。我祝願myTV Gold和各合作夥伴一同努力再創佳績,並期待myTV SUPER進一步發展,與客戶和觀眾共創共贏方案。」而無綫總經理鄭善強透露籌備myTV Gold時間不足一年,問到合約是否很昂貴?他說:「一般作風係令生意上升,合乎投資者有利潤。(月費方面點?)我哋有寬頻公司做合作夥伴,都答應咗呢幾日就會有個計劃,但大前提係用戶先要有myTV SUPER先可以升級用到myTV Gold服務,呢個服務暫時針對本地客戶。」

藝人朱千雪、麥明詩及何廣沛就話爭住睇,千雪表示外國英雄片由細睇到大,若香港開拍自己都有興趣參演,說到英雄片女角多數性感,她說:「如果劇本好, 我唔介意,做女英雄喎!(開始Keep身形?)有戲就會Keep到。(男友准咩?)佢畀我做英雄,性唔性感到時同服裝傾,唔使諗得咁遙遠。



麥明詩唔敢偷踩單車

麥明詩對新服務頻道播放的單車賽事最感興趣,曾踩單車北上做善事的她說:「依家間唔中一、兩個星期都會踩。(再參加慈善單車遊?)要問准父母先,佢哋驚我再受傷同死,應該唔會畀,睇吓佢哋遲啲會唔會改變主意。(依家偷踩?)唔係,香港地方安全,有醫院同先進醫療設施嘛!」

至於何廣沛坦言喜歡睇球賽,對體育頻道將播放歐聯、歐霸等感興趣:「平時要喺另一個平台先睇到,依家公司有得睇埋,電影頻道又有英雄片,可以慢慢返去煲,希望公司到時畀個優惠價我!」月底為新劇《大醬園》開工的他,現時尚有一星期可盡情煲劇,談到與緋聞女友朱晨麗合作,是否拍住拖開工?他說:「係情侶檔開工,繼續了解, 驚到時對到厭,因為好多鬧交場面,驚會鬧到朋友都冇得做。」

王浩信施暴馮盈盈飛Bra

無綫於影視展舉行「TVB Anywhere劍指東南亞發布會」, 宣布推出全新「升級版」TVB Anywhere流動應用程式服務,及全面進軍東南亞市場的發展大計。TVB Anywhere繼登陸新加坡及泰國後,計劃將全新「升級版」推廣至更多東南亞市場,包括馬來西亞、越南及印尼等地, 標誌着TVB Anywhere在東南亞的業務邁向另一個里程碑。

席間,藝人洪永城、蔡思貝和楊明宣傳無綫「ANYWHERE X Vietnamobile」越語App啟動儀式,現場播出洪永城演出的劇集配上越南和泰文片段,相當搞笑。

思貝將於4月去越南工作,洪永城提議她可順道拍旅遊節目,問到選誰做拍檔?思貝亦好識做:「揀你!我都話細個睇你同翠如嘅旅遊節目。」大家笑言現在洪永城有女友梁諾妍,不會揀她?思貝笑言:「佢從來都唔會揀我」洪永城則笑說:「同佢一齊嗌交多過工作。」問到洪永城想揀誰?他說:「搵個新拍檔啦,同翠如已合作太多次,或者兩個男囉,蕭正楠都OK,但佢又有曹永廉嘞,咁李佳芯啦,佢都拍過唔少旅遊節目,可以考慮一下。」

洪永城Mark實李佳芯伴遊

馮盈盈、王浩信、龔嘉欣、張兆輝等昨雲集影視展出席「TVB 2019戲劇綜藝強勢登場發布會」, 公布來年將推出的10部電視劇,包括《鐵探》、《機場特警》、《解決師》、《黃金有罪》、《殺手》、《極道怪咖》等,而綜藝節目方面,則有《DO姐晚間看地球》、《如果這樣生活》、《打工捱世界》、《後生仔傾吓偈 海外版》等,相當多元化!席間播放多部劇集片段,當中《極道怪咖》內張振朗反串谷胸扮護士,還有他與王浩信咀嘴的片段,而王浩信則有扯甩馮盈盈恤衫,令她露黑Bra及事業線。

王浩信受訪說:「我拍嗰場都好尷尬呀!好彩盈盈捉住我隻手放喺安全位置去做呢個效果。基本上我全程合埋眼咁做。」而盈盈則指拍攝時真材實料上陣,沒有加墊,笑言:「冇『升球大墊』㗎!」

龔嘉欣疑似飛釘

宣傳劇集《殺手》的龔嘉欣穿上紫色Bra Top 外披魚網衫戲服現身,右邊胸疑似飛釘,她發現後即整理衣衫再受訪,自言冇凸點亦冇真空上陣,只是衫的摺痕。

為劇集《黃金有罪》宣傳的張兆輝,說到之前賣樓賺千萬,問他是否還有很多物業?他說:「都冇乜,睇吓點樣再投資,搵吓優質盤再投資。」至於傅嘉莉早前於社交網暗寸呂慧儀及黃文迪借她造新聞後,昨首次見記者,問到網民一面倒鬧爆她? 她說:「我接受唔同聲音,冇唔開心。」

田蕊妮帶佬返歸報復杜汶澤

藝人田蕊妮(阿田)和李佳芯(Ali)昨日現身「TVB 2019戲劇綜藝強勢登場發布會」,對老公杜汶澤趁她不在港載女返香閨一事,阿田稱很清楚老公行程,約朋友食飯是正常事:「正如佢出埠拍戲,我都會約Ali同唐詩詠食飯。(佢約女喎!)呢鑊我蝕咗囉,下次我會搵靚仔食飯,兼會載返家中,點都會叫『男人一定要趷高個頭先得』!」講到可借Ali男友陳炳銓一用,阿田說:「炳銓!佢行山好悶喎!」對於借炳銓一用,Ali好有信心說:「我冇見過佢趷低過頭。」阿田即笑指誓不低頭。

講到當日得悉老公「帶女夜歸」可有「心離一離」?阿田笑說: 「因為我知佢行程,所以我只係問佢影得樣唔樣衰先,佢話係好樣衰。其實個女仔唔係圈中人,有咁反應(縮底頭)係好正常。」


來源 source: http://hk.on.cc
鍾意就快D Share啦!