喂，今次真係估你唔到！
藝人鍾欣潼（阿嬌）2018年同老公賴弘國結婚，上星期先被爆料指二人求B心切，惜因工作及疫情關係分隔兩地兼播種計劃急嗌停，本身喺馬來西亞工作嘅阿嬌又趕返港，仲喺自我隔離期嘅佢寂寞難耐，今日凌晨更被發現出面貼錢冧大陸小鮮肉！
今日凌晨2點，有網友喺某平台一名鮮肉男主播余衍隆嘅直播間內「見到」阿嬌，阿嬌喺成場直播中自後共豪擲近兩萬蚊人民幣，連刷多份虛擬「禮物」，之後更有網友爆料稱，阿嬌原來暗地裏為該主播已打賞咗4萬蚊人民幣，而且佢仲有直播間管理員嘅認證，即係阿嬌真係鮮肉男主播嘅粉絲！
點解咁肯定？因為Nice到爆嘅阿嬌唔止睇直播咁簡單，佢仲半騎劫余衍隆個直播，不斷同其他網友Chit Chat，佢仲自爆自己係前一日見到對方幾靚仔先嚟睇佢直播，即係「識人」兩日阿嬌就已經課金4萬人民幣，呢啲「一見鐘情」嘅嘢真係擋都擋唔住！不過…有網友突破盲點，𢱑晒頭問阿嬌，到底老公賴弘國知唔知佢網上科水追主播呢？
阿嬌經理人方面代為回應：「阿嬌有留意抖音多個網紅，而昨天是她第一次送禮物，而且是用別人的帳戶玩，這帳戶裏面都沒有六萬蚊，所以沒有可能送了六萬蚊呢，而且並不是送給一個人而是送給幾個人呢，亦都是有男有女的，送禮物的意義是幫助他們PK可以獲勝，只是支持一下，而她更是烏龍百出，不但送錯禮物，人家PK亦輸了，而且她是光明正大的玩，真的不明白為甚麼是偷看哈哈！」
而阿嬌堪稱是內地藝人中的網紅，她玩網絡直播很受歡迎，最近她就學玩抖音，所以先上網睇別人玩直播，但卻被人攞嚟做新聞，她大感無奈：「我玩嘅時候，都有藝人問我點解唔送禮物，所以我都唔好意思唔送禮物，諗住送禮物係代表支持，咪送咗畀幾個人，唔係只送畀一個。」阿嬌表示她全晚只是用了二萬元人民幣，絕非傳聞中的六萬。
來源 source: http://hk.on.cc
|
鍾意就快D Share啦！
|
|
|