大家期唔期待呀？
導演王晶去年宣布開拍新版《倚天屠龍記》，但就一直對演員名單及籌備進度大賣關子，呢日佢終於正式公開演員名單，以及新一代「張無忌」林峯嘅造型照！佢喺微博上載多張角色造型照，並留言：「復拍倚天完成28年心願，三天前官宣黃金配角陣容。今天主角陣容：陳紫函飾紫衫龍王，劉浩龍飾宋青書，朱晨麗飾殷素素，古天樂飾張翠山，甄子丹飾張三豐，千呼萬喚始出來張無忌：林峯。」但就仍然對「小昭」嘅演員保持神秘。
相中見林峯換上一頭長曲髮，霸氣十足，而其他角色嘅造型亦充滿驚喜，此外方中信、黃浩然等亦有份演出。有網民將林峯與歷代張無忌比較，不過大家就嫌佢老，而飾演佢阿媽嘅朱晨麗就比林峯年輕8年。
來源 source: http://hk.on.cc
|
鍾意就快D Share啦！
|
|
|