【本報踢爆】鄧智偉樂瞳2012年被爆料 煙韌蜜遊馬爾代夫
被指已和高海寧（高Ling）分手的音樂人鄧智偉，爆出桃色糾紛兼要報警事件成為網民熱話，聲稱與鄧智偉分手的圈外爆料女子，力言曾與鄧智偉拍拖，但鄧接受傳媒訪問時否認其事。而這次的爆料者亦指鄧承認曾與樂瞳拍拖，但否認與高Ling的戀情，而鄧指爆料者涉恐嚇他，故報警處理。
查實鄧智偉被爆料已非首次，早在2012年，有讀者向本報爆料指，當年是TVB音樂總監的鄧智偉和身材與高Ling同樣惹火的「宅男性感女神」樂瞳，在前一年的11月10日，蜜遊蜜月勝地馬爾代夫享受陽光與海灘，兩人在酒店拖手攬腰搭膊，情意綿綿甚煙韌，舉止如熱戀情侶。當樂瞳被記者問及是否與鄧拍拖時就支吾以對，「你究竟知道啲乜？呀……呀……我……我……我哋係好朋友。」問到兩個人去旅行開唔開心？樂瞳就漏口風話，「咁去旅行梗係開心。」
鄧智偉：樂瞳心地好好
而鄧智偉當年就否認與樂瞳拍拖，「我哋係一班人一齊去，已經年幾前嘅事。總之我哋係好朋友，識咗好耐。（識咗幾耐？）唔記得，（點樣識？）撞到囉，咁私人嘅事唔答。我係幕後人，無新聞價值，多謝讀者報料。（報料讀者指你同樂瞳拖手）有咩？唔記得咯，幫幫忙，唔好寫啦。佢（樂瞳）好好人，心地好好，（會唔會追樂瞳？）我都唔追女仔嘅，啲人以為我Gay。」
來源 source: http://hd.stheadline.com
|
鍾意就快D Share啦！
|
|
|
