掃呢頁CODE去手機

2020年6月3日 星期三

化身一日保母湊B嗌攰 Gin Lee將來誓做全職媽媽 #Gin Lee #李幸倪

Gin Lee化身一日保母,挑戰湊B「過三關」。
化身一日保母湊B嗌攰 GinLee將來誓做全職媽媽GinLee化身一日保母,挑戰湊B「過三關」。李幸倪(Gin Lee)為配合年度首隻派台歌曲《敢》的 ...




化身一日保母湊B嗌攰 Gin Lee將來誓做全職媽媽

Gin Lee化身一日保母,挑戰湊B「過三關」。

李幸倪(Gin Lee)為配合年度首隻派台歌曲《敢》的主題,近期先後接受多項挑戰,繼踩Roller、學紋身後,日前又再挑戰「敢」湊仔!今次Gin要化身保母湊B「過三關」,包括餵BB食蛋糕、換尿片及剪頭髮,事前她都大叫心情緊張:「其實我好鍾意小朋友,不過好耐未湊過,未知表現如何?」當BB甫出場,Gin即表現興奮,不過BB面對陌生的Gin似乎不太受落,頻頻擰歪面,又放聲狂喊,Gin不斷出招,又唱兒歌又扮鬼臉,直至使出自創的「雀仔攻略」即時見成效,將BB「融化」拉近距離,她說:「BB一扭計,我就抱佢去睇雀仔,因為好多小朋友都鍾意睇啲郁嘅嘢,例如巴士、車、雀仔,所以呢招『雀仔攻略』係成功嘅!」

Gin Lee抱BB去睇雀仔,成功拉近距離。
Gin Lee抱BB去睇雀仔,成功拉近距離。
Gin Lee餵BB食蛋糕,點知反被BB餵咗一啖。

Gin Lee餵BB食蛋糕,點知反被BB餵咗一啖。

縱使成功同BB拉近距離,但Gin在餵食物時竟「食檸檬」,BB頻頻擰歪面不理會Gin,最終一啖食物都沒有放進口,認真失敗,Gin說:「我以為餵小朋友食嘢會最容易,因為好多小朋友都好為食,結果原來係最難,BB一啖都冇食,反而佢餵咗我食一啖。」去到換尿片環節,Gin一幫BB除褲即傳來BB嚎哭聲,頓令Gin顯得手忙腳亂,她說:「呢個(指條尿片)究竟係點除㗎?」最後使出渾身解數,勉強成功為BB換片,但Gin笑言「換片換到出晒汗」。最後在剪髮環節,手執剪刀的Gin竟順利地為BB修髮,就連她自己都難以置信表示:「比預期中順利,可能佢好專心玩佢嘅嘢,我可以好快就剪到。」

Gin Lee幫BB換片時顯得手忙腳亂。

Gin Lee幫BB換片時顯得手忙腳亂。
Gin Lee順利為BB修髮,連她自己都難以置信。

Gin Lee順利為BB修髮,連她自己都難以置信。

完成湊BB挑戰後,Gin直言在眾多的挑戰中,今次是最難的一項:「精神好攰,要諗好多計先可以○氹到BB;如果我將來要湊小朋友,我一定需要Full Time(全職),因為又要工作,又要湊小朋友,體力上好難應付到。」體驗過一日湊仔,Gin也不禁大讚天下母親的偉大。


鍾意就快D Share啦!