恭喜晒！
藝人黎振燁早前被爆搭上新劇拍檔朱智賢背大肚妻偷食，被揭到山旯旮食蛋糕，兩人形象插水，但黎振燁知錯獲老婆原諒，早前黎太產前檢查時，驗出BB臍帶纏頸，以致黎振燁和黎太都十分擔心，據知擇定日子剖腹生子，黎太今日在私家醫院順利誕下兒子，母子平安！而黎振燁都一直守候在身邊。
據知黎振燁仔仔大約早上10時多出生，體重接近7磅，而仔仔早前被驗出臍帶纏頸，但慶幸出世前臍帶鬆了，加上剖腹生產，沒有太大影響。
黎振燁接受東網訪問，他開心地說：「親手剪臍帶，感覺奇妙，太太更開心到喊，醫護人員覺得似我。（有冇諗過再生？）本身好鍾意小朋友，諗過再生，都唔想佢自己一個，但經濟問題，追都唔會咁快。（識唔識湊B？）有一定經驗，因為屋企人都有小朋友，名就未諗。」
他直言昨晚陪太太入院待產，見到有記者守候咁到愕然。問到今晚可會留院陪太太，他說有需要會，最後他感謝大家關心。
來源 source: http://hk.on.cc
|
鍾意就快D Share啦！
|
|
|
