2020年6月3日星期三

《真情》經典重現薛家燕黃智賢合體做主持 #薛家燕 #黃智賢

《真情》經典重現薛家燕黃智賢合體做主持

《真情》相隔20年，「阿海」、「好姨」再合作主持節目。

黃智賢（Ben）昨晚到將軍澳電視城參與節目《流行經典50年》錄影，並透露將喺黎耀祥後，以嘉賓主持身份與薛家燕合作主持節目，暫時未知會主持幾多集，生怕好快被監製「叮走」，笑言望家燕姐乃念當年齊齊合演「真情」，可以照顧他一吓！身穿「貝兒公主」裙的家燕姐表示，二人是繼《真情》後再度合作，相隔廿多年，她笑說：「我要叫佢一聲前輩，因為當年重回幕前拍《真情》，工作矇查查，係由阿Ben孭住我出場，好多事都係由佢嚟提點我。」家燕姐又指當時街上，個個都認出黃智賢係「阿海」，反觀沒有人叫她一聲「好姨」。不過，相比當年，家燕姐說自己重了很多！Ben即賣口乖笑道：「家燕姐同身家一樣愈嚟愈厚！」

家燕姐又在社交平台不時見Ben為太太下廚，十分甜蜜，笑問：「食飽可以做咩？要搵啲事嚟做呀！」Ben反擊說：「呢啲留返你同新抱講」