2020年9月19日星期六

韓國首部驚悚動畫《整容液》愛靚冇咗條命 #整容

韓國首部驚悚動畫《整容液》愛靚冇咗條命

肥妹用咗整容液立即變靚。

女人愛靚冇咗條命喺香港時有發生，一套以此為題嘅動畫將於10月8日在港上映，重點係動畫產自南韓，是當地電影史上首部恐怖動畫，權威網漫評台9.9好評推介。

動畫改編自NO.1好評嘅奇幻漫畫《奇奇怪怪》，一名Nature Born肥妹由細到大受盡歧視，某次機遇下得到「神奇整容液」，用法好簡單，只要將身體浸喺整容液，慢慢溶化身上皮肉，好快就可以擁有靚絕五官。肥妹試咗，自此擁有完美面孔及身材，一出街就吸引所有人目光，更迅速成為網絡熱話，好快被經理人公司招攬簽為藝人，最絕係重遇心儀嘅男神，從此事業愛情兩得意，走到人生巔峰。可惜整容液慢慢產生副作用，唔想得來不易的成果被破壞，肥妹走上一條恐怖不歸路。