霍啟剛原定於9月舉行的立法會選舉，出戰體育、演藝、文化及出版界功能組別，不過由於選舉延期，他轉戰社交平台，踩入YouTube做KOL，他今晚就在facebook開live，邀請了楊全盛評論抗疫基金3.0幫唔幫到業界。
啟剛在節目一開始就表明對抗疫基金3.0失望，指政府財政雖然險峻，不過在各界都有不足之處，如最初的抗疫基金未有照顧體育界教練，他感慨疫情下不少教練都要送外賣維持生計，為他們感到心酸，更擔心人材流失。書展將於12月重開，啟剛就表示聽到出版界朋友的憂慮：「書展煞停好大損失，唔好講補貼，（如果）有得展，當然最想有人消費，（但）佢哋擔心，若然12月開返，會唔會啲人去晒旅行，個個困咗咁耐，我哋開始回味去旅行，我今晚同老婆去新餐廳，都會影多兩張相，好似去緊旅行，我會提出會唔有啲消費卷，確保佢哋賣到書，會同政府建議。」
他表示政府要擺多一點資源去本地活動：「好似SARS之後佢哋使咗好多錢，希望佢哋可以使返喺本地文藝表演18區的活動。」雖然對政府施政有所不滿，但霍啟剛亦指有些決策，是值得讚揚，他說：「好似每年Rugby Seven係好好，疫情之下好多朋友係去滑水、wakeboard，係唔係可以搞一啲本地關於水嘅活動呢？希望大家走出嚟消費，激活返消費。」最後，在直播的尾聲，他與楊全盛提到關注青少年就業一事，啟剛表明希望可以做實事：「唔係淨係去大型活動上台握手剪綵，同時係要貼地做，一對一聽吓佢哋嘅聲音，好似之前同啲年青藝術家傾過，佢哋需要嘅嘢唔係好多，可能想要marketing渠道幫助、一個地方擺到自己作品，大家攪攪腦汁可以幫下佢哋，同埋都要有商界支持同關注。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|