合組「肥龍過江」搞創作 劉浩龍小肥搵葛民輝客串MV扮古惑仔
劉浩龍（師兄）、徐智勇（小肥）昨日拍攝合唱歌《砒霜之後》MV，是劇集《把砒霜留給自己》的主題曲。今次MV導演劉翁會以微電影故事式拍攝，新歌MV江湖味重，以80年代為背景，講述二人的兄弟情，但為更高江湖地位而競爭，當中還邀請到葛民輝（阿葛）飾演黑幫江湖大佬。
師兄今次古惑仔造型十分有趣，着上花恤衫的他，更帶上假髮和粗框眼鏡花恤衫，甚有懷舊味道，「在疫情下最緊要健康、開心，希望造型帶點歡樂給大家。」MV當中有一段比較情深、感性的戲，小肥全靠師兄幫手入戲，「開頭見到師兄這造型都忍不住笑出來，但拍攝時師兄好快帶到我入戲，成件事就好順暢繼續拍落去。」而阿葛飾演的角色則身穿一件豹紋加蛇紋混合的花襯衫，他笑言：「藝術嘅嘢，我識條鐵咩！」他又透露會故事劇情入面中刀。
今次MV似足電影製作，拍攝時間預計差不多要20小時，師兄及小肥均表示未試過拍MV的時間那麼長。由於覺得今次合作十分好玩，二人更決定合組新組合—「肥龍過江」，希望開拓音樂以外的創作，帶給觀眾一些意想不到的驚喜。
來源 source: http://hd.stheadline.com
|
鍾意就快D Share啦！
|
|
|