細細個已經贏在起跑線～俗語有話「女大18變」，不過有啲人就變都冇變過，由細靚到大！好似前無綫新聞主播梁凱寧（Maggie）咁，佢喺社交網大晒舊照，話疫 ...
俗語有話「女大18變」，不過有啲人就變都冇變過，由細靚到大！好似前無綫新聞主播梁凱寧（Maggie）咁，佢喺社交網大晒舊照，話疫情期間多咗時間留喺屋企，前幾日就同家人一齊睇舊相，發現爸爸媽媽真係好靚仔靚女，有網民笑言話佢曲線讚自己，事關佢細個已經好靚！
當中最吸睛嘅就係佢張童年照，年紀細細已經係美人胚子，下巴尖尖笑容甜美，仲有啲鬼鬼哋，網民都問佢係咪混血，全家都似外國人咁話！佢又話哥哥由細到大都咁百厭，成日蝦佢，最後佢就問大家：「我似爸爸定媽媽呀？😊👨🏻👩🏻」
