ViuTV搞的《全民造星III》為樂壇帶來新氣象，無綫又照辦煮碗推出新節目《聲夢傳奇》，安排15位參賽者接受唱歌及舞台訓練，為TVB星夢娛樂打造新星，做周柏豪、胡鴻鈞、吳若希和菊梓喬等的接班人。《聲夢傳奇》昨晚首播，主要讓參賽者介紹自己，22歲的冼靖峰（Archie）和17歲林智樂（Felix）立即成為「話題王」，引來網民熱烈討論。
這班參賽者年齡最小的只有14歲的學生妹，最大的才25歲，他們出鏡後即被起底，其中Archie被踢爆前年曾參加《全民造星II》，現倒戈到大台參賽，網民爆「玩完Viu個《全民造星II》，過一年後入cctvb呢個《聲夢》，失望！明明上年運動佢都有出過下IG story發聲」、「有個黃嘅，但又玩TVB嘢，之前有follow，見佢早排係咁repost TVB post ，之後block X咗佢」，Archie被喝倒采。
網民也揶揄Felix的造型，「加埋副眼鏡成X個陳肇始咁款」、「首先箍牙同搞搞個髮型先」。Felix昨在IG留言自己發「鳴聲夢」：「由細到大好多人都會同我講叫我唔好發明星夢，細細個我同啲親戚老師講話我大個想做歌手，佢哋都會不約而同咁叫我畀啲心機讀書啦，做歌手搵唔到食㗎，仲記得讀緊小一小二的時候，每個同學都會寫我的志願，大部分同學都會寫大個之後想做律師、老師、醫生等等嘅職業，而我都只係會寫一啲大家『認為』我應該做嘅職業。因為我冇勇氣去話畀人聽，我好鍾意唱歌，我想做歌手，驚畀人笑。就係咁之後，當我每一次遇到呢個題目嘅時候，我都會填上一個『標準答案』。」不過卻保護同是14歲的姚焯菲（Chantel）和鍾柔美（Yumi）：「呢兩個女仔勁靚女#love# 兩個都係得14歲咋，唔好鬧佢哋啦，揾人叫Yumi唔好入cctvb，去《全民造星》或者韓國出道好過。」Chantel愛在IG貼相，她的打扮比真實年齡成熟。
其實網民大部份對這個節目彈多過讚，「有《全民造星》唔參加，參加cctvb做偽人」、「係咪見ViuTV嘅《全民造星》咁多人談論又想抄人」、「今時今日仲發明星夢，老實講，唔係想潑佢地冷水，但咁多人，最尾可以以唱歌搵食做歌手嘅人，應該唔多過兩個，睇巨星幫就知」、「成個節目太作狀…嘔心」、「成個模式都好大陸」、「都唔似真人騷比賽，似有劇本似拍戲」。有網民也指把15位參賽者「一律當藍絲處理」。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
