靚抽王
今期人物 黎明
解說：曾同黎天王傳緋聞甚至結婚嘅女星包括有徐子珊、舒淇、樂基兒，三人都有一個共同特徵，就係厚唇！可見黎天王滿腦子都係厚唇同厚唇。
第一位：外星人都唔明嘅諗法
雖然我娛文樂一向聰明伶俐，但係對於黎天王某啲充滿智慧嘅開示，一樣係一竅不通。相信有啲嘢得佢先明，例如係：
「左手又係肉，手背又係肉。」、「核心嘅外圍係核心嘅內圍。」、「魚柳變了就不是魚柳包。」等等，再加埋黎天王曾經話：「我一出世便準備做好地球人。」咁睇嚟上一世佢係來自火星，今世先成鬼日別人笑佢太瘋癲，佢笑他人看不穿。
第二位：減肥
唔知由幾時開始，減肥成為黎明生活哲學裏面一個好重要嘅部分，由「朝早唔會空肚食早餐」，到近排嘅「唔郁減肥論」同「有自信嘅人減唔到，太自信會減死。」呢堆深奧嘅減肥理論，除咗證明黎生嘅金句功力，更證明呢啲方法真係唔係人人都 work，唔信？你睇吓衞蘭同黎天王老友雷頌德就知
第三位：衞蘭
作為衞蘭嘅老細，黎明當然好關心衞蘭嘅發展，於是有好多金句都係同衞蘭有關。例如有遠近馳名嘅「衞蘭肥過部電單車」，以及博大精深嘅衞蘭相對論：「其實我沒有說捧不捧衞蘭，只是我知道我愈捧，人家就會愈是打壓你。大家不要忘記愛因斯坦的《相對論》：要自然才會有流暢的結局。」
解說：黎天王貴為本地金句王，當然係滿腦子金句。為此，我哋幫佢啲金句分門別類，順道窺探佢究竟諗乜最多！
腦成分
以專業嘅娛樂角度分析明星腦入面有乜成分！
|
鍾意就快D Share啦！
|
|
|
