2017年5月27日 星期六

【《不懂撒嬌》片尾曲大熱●戶口得900蚊】一對高踭鞋走天涯 菊梓喬賺人氣少收入 __,菊梓喬,

依家做歌手,名氣同收入係唔成正比㗎,好似喺星夢擔緊大旗,《不懂撒嬌的女人》片尾曲《手中沙》嘅Hana菊梓喬,見佢頻頻亮相出騷又好,袋入佢袋嘅錢絕對唔多 ...


依家做歌手,名氣同收入係唔成正比㗎,好似喺星夢擔緊大旗,《不懂撒嬌的女人》片尾曲《手中沙》嘅Hana菊梓喬,見佢頻頻亮相出騷又好,袋入佢袋嘅錢絕對唔多,Hana更曾經表示過啱啱入行嘅時候,戶口得900蚊。

據知星夢為咗令旗下歌手可以多啲曝光率,索性以優惠價搶客,有時仲會一個價錢兩個歌手打孖上。星夢頂爛市為一班歌手賺人氣,但係錢就賺唔多,所以Hana收入係極有限。

佢好多嘢都要慳住用,出席活動嘅衫一定係贊助,就連佢著嘅鞋,細心啲留意都會發現呢對粉色高踭鞋出沒嘅次數非常之高。話晒做藝人收入唔穩定,加上又真係冇理由對鞋著一、兩次就要掉咗佢,而且大家鍾意佢嘅原因都係佢唱歌好聽,並非她的穿搭。

不過,《壹》仔都希望Hana唔止把聲似阿Kay,就連佢星途同收入,都有日好似阿Kay咁勁啦!


鍾意就快D Share啦!
Related Posts Plugin for WordPress, Blogger...