掃呢頁CODE去手機

2017年5月27日 星期六

【獨家】40歲開始買少女服 51歲羅霖超短褲狂掃減齡Tee __,羅霖,

年過半百美魔女羅霖最近忙拍大台古裝劇《深宮計》,密密做嘢搵錢供養3個囝囝讀書同生活費,日前佢就抽空去又一城shopping,被本報讀者黃小姐透過「爆相 ...


年過半百美魔女羅霖最近忙拍大台古裝劇《深宮計》,密密做嘢搵錢供養3個囝囝讀書同生活費,日前佢就抽空去又一城shopping,被本報讀者黃小姐透過「爆相爆片」直擊佢喺一間叫Juicy Couture時裝店掃貨。當時美魔女身穿白色短褲騷長腿,黃小姐就話:「當時晏晝4點,見佢一個人入咗去呢間舖頭,見佢都有化妝,佢着住條短褲騷長腿,非常性感,佢好快已揀咗一批衫,仲o係間舖試緊衫,佢應該係熟客,見到啲sales同佢好好傾,佢試咗一輪,最後就買咗5、6件衫。」問過羅霖係咪想打扮後生啲?佢回覆傳媒話:「因為我過兩日出發內地橫店拍劇,所以我會買啲T裇、牛仔褲。呢個品牌主要係比較簡便旅行裝,都唔係特別打扮年輕,T裇、牛仔褲幾時都可以着。」羅霖仲話一個人行街之前,其實同囝囝喺超市掃貨,買足一個月嘅日用品,以備不時之需。

(讀者黃小姐提供圖片) 呢身戰鬥格,背影已經好噴血。 (讀者黃小姐提供圖片) 正面睇…條褲真係短無可短,多啲肉都著唔到。
羅霖一個人行街,睇T恤牛仔褲。(讀者黃小姐提供圖片) (讀者黃小姐提供圖片) 大手買咗好多衫。(讀者黃小姐提供圖片)
(讀者黃小姐提供圖片) 收穫甚豐 (讀者黃小姐提供圖片) (資料圖片)

來源 source: http://s.nextmedia.com
鍾意就快D Share啦!