掃呢頁CODE去手機

2017年5月27日 星期六

黃心穎:做業主!黃心穎擲850萬扑錘購啟德新盤 __,心穎,黃心穎,

黃心穎完全冇有怕呀!近排樓市雖然唔係好明朗,不過近年密密搵銀嘅藝人黃心穎就冇有怕入市。今日首度開售嘅建灝地產啟德天寰,現場人山人海,而戴了口罩嘅黃心穎 ...


黃心穎完全冇有怕呀!

近排樓市雖然唔係好明朗,不過近年密密搵銀嘅藝人黃心穎就冇有怕入市。今日首度開售嘅建灝地產啟德天寰,現場人山人海,而戴了口罩嘅黃心穎亦有到場排隊揀樓。抽到簽忙揀樓的她,以港幣850萬買到一個2房單位,成功做業主。東網即致電心穎,不過佢說表示自己依家揀緊唔得閒,說:「等我揀完先再講!」

其後,心穎再接受東網訪問稱:「今次揀中一個兩房單位,係我預算價錢之內,啱呎價!(抽到頭簽?)簽號唔算前,但都揀到啱,都開心嘅!」由於心穎正與馬國明傳緋聞,心穎首次置業,因而被取笑用來「貼」馬國明?她笑言:「佢都唔需要人貼呢層樓係我自己買。(投資定自住?)係自住嘅。(馬明恭喜咗你未?)佢喺大陸,唔知佢知唔知,冇特登話佢知,梗係第一時間話畀屋企人知」

枝筆馬明送嘅?

成功做業主咁大件事,梗係要紀念吓心穎今晚就喺IG上載同枝筆嘅自拍照,笑到好開心咁留言話,當日有個朋友送呢枝筆畀佢,叫佢簽重要文件先好用,今日終於都大派用場:「呢支筆,我個friend送畀我嗰陣話簽重要文件先可以用,今日我終於用到喇!」買樓咁大件事,梗係用枝靚筆簽嘢啦,仲有唔少網友問心穎個朋友係唔係姓馬(馬國明)㖭!


來源 source: http://hk.on.cc
鍾意就快D Share啦!