嗚～這些機會不是小編…
近年香港掀起一股busking（街頭賣唱）熱潮，樂壇亦有不少歌手及組合都有玩！而今晚七點左右，就有張敬軒在尖沙咀文化中心碼頭玩快閃，身穿牛仔褸現身的他在尖沙咀海傍出現，好快就被粉絲發現！
他在場企定定欣賞了其中一班busking team的朋友演唱兩、三首唱歌，跟住軒仔就join埋一齊唱，引起現場一片哄動，軒仔的歌聲魅力吸引逾百人圍觀，梯級都聚滿途人，當中既有外籍人士，也有小朋友拍掌支持，場面熱鬧。
張敬軒跟Busking歌手一齊演唱時，途人與粉絲大叫軒仔，唱完一曲後軒仔則大讚Busking歌手唱歌好聽，他說：「好犀利，有天星碼頭Eason之稱，啱啱首歌叫《音樂大同》，好似呢個環境咁，無論我哋嚟自邊個地方，邊個年齡、邊個國家、邊種職業，到呢一刻我哋有音樂嘅時候就可以喺同一個空間相遇，感受彼此嘅情緒，好開心識到呢班咁好嘅朋友仔，對音樂好有熱誠。」
之後軒仔就演唱《青春常駐》，他指這首歌代表ever lasting。期間他與Busking歌手主唱調位，不過他被電線kick親，他即作狀好似攬住對方。本來軒仔只預備了唱兩首歌，但面對熱情的途人、粉絲不斷叫「安哥」，他說：「我應該記得嘅，雖然我成日唔記得歌詞，不如我哋同場加映多一首《櫻花樹下》好嗎？」群眾即時歡呼，軒仔笑言要即刻找歌詞：「其實人生第一次Busking，現場朋友畀啲支持嘅掌聲我哋。」
而現場亦愈來愈多人圍觀，高峰時有超過300人，極之震撼。當他離開時，大把人跟住他，有一個女粉絲成功突圍攬住軒仔，問到玩busking心情時，軒仔邊行邊說：「好緊張呀，第一次玩busking，好開心嘅原來，如果可以組到隊就集埋英皇其他artist玩多次。」
來源 source: http://hk.on.cc
|
鍾意就快D Share啦！
|
|
|
