掃呢頁CODE去手機

2015年6月25日 星期四

阿媽鬧爆戴夢夢:唔好再糊塗! [壹週刊 - 1320] 夢夢,戴夢夢,M1,



探熱針

阿媽鬧爆戴夢夢:唔好再糊塗!

三十歲的戴夢夢,因為介入四十九歲太極鼓手朱翰博( Ricky)與太太 Anne的廿七年婚姻,形象破產!被千夫所指,但戴夢夢仍然不顧一切與對方一齊。女兒為愛情變成箭靶,與其俾人插不如自插的夢夢媽,喊住鬧女當教女;講到男方分居妻 Anne的控訴,她更幫理不幫親,態度算中立。

個女出事,夢夢媽行超市都一臉愁爆。沒有偏袒女兒的她,受訪期間禁不住激動落淚。

六月初,戴夢夢與 Ricky遊中環,先於置地廣場 high tea,之後拖手離開,拍拖高調。

夢夢與 Ricky自遭踢爆戀情後,兩人潛水近一星期,之後在好友范振鋒的生日派對上拍拖現身。

Ricky與 Anne廿七年的婚姻,因夢夢介入而破碎,據知 Ricky為搞清楚關係,已透過律師辦理分居手續。

夢夢出身小康之家,父母與哥哥對她寵愛有加,今次錯當小三,家人只希望她能盡快解決事件,平息風波。

愈惡愈反抗

被爆戀上人夫後,戴夢夢再被昔日密友 Kawaii抽水,大爆她與前度陳定邦談婚論嫁時,向男家獅子開大口要百萬禮金,雪上加霜。

上週四(六月十八日),戴夢夢媽咪接受本刊訪問時,力證女兒並非貪錢女人,但戀上有婦之夫變成小三,夢夢媽沒有偏袒女兒,只怪她太易信男人。

「分咗手,阿邦(戴夢夢前男友)嘅嘢我哋唔講,我總之從來冇提過一個錢字,只要個女鍾意,人家屋企正常就得。」夢夢媽說。

戴夢夢與人夫 Ricky拍拖,夢夢媽聲稱事前全不知情。

「我時時同佢講,拍拖要睇清楚慢慢嚟,要清楚男仔個背景,佢個人講咩都信,思想比較單純;但脾氣硬,愈惡佢愈唔聽,要好好同佢傾,先會軟化聽你講。今次呢單嘢我真係唔知,唔知佢有男朋友,佢一直話自己單身。」

直至傳媒影到戴夢夢與 Ricky在置地撐枱腳,戀情被爆,夢夢媽才從女兒口中略知一二;對 Ricky的印象,夢夢媽語氣中亦有不滿。

「佢嗰日話全世界都知,老闆都知,得我唔知!六月七號我約咗個朋友飲茶,我知佢喺尖沙咀做指甲,所以叫佢一齊飲,佢拎個電話出嚟俾啲相我睇,我話咁後生嘅?佢就話:媽咪,佢唔後生喇,四十九歲喇!

「我都要面,踢佢都踢唔切,咩都講晒出嚟!我話同邊個拍拖都要低調,『太極』呢個人我從來都冇見過,只係知隊中有個長頭髮(指 Joey Tang)嘅,呢個人一啲印象都冇!佢係娛樂圈人,夢夢係幕後半個娛樂圈,俾句說話佢,就係低調,佢有咩我乜都唔知。」夢夢媽說。

上週六( 20/6)

飽受壓力的戴夢夢戴住口罩到九龍城買海鮮。

之後到中環將其中一袋物品交給一名男子,之後攞住袋海鮮返堅道「瑧環」,再沒外出。

夢夢與 Ricky愛得高調,上月底紅館太極三十周年演唱會,據知夢夢不避嫌在後台為男友打點一切。

母性

仔女出事,無論對錯,最緊張的往往是父母!尤其母親,永遠是第一個撲出嚟的人。

林芊妤

與上市公司達利國際集團有限公司董事林知譽在 ifc殘廁 gathering半小時,哄動全城。眼見女兒受壓並有輕生念頭,痛在心的 Coffee媽喊住為女兒還清白。「呢啲係佢私生活,點解要追訪,仲要寫得咁盡。」 Coffee因此被無綫炒魷, Coffee媽好硬淨,「咪返嚟幫屋企手!」

李悅彤

被拍到與李心潔老公彭順在圓方嘴爆,背上小三罪名同時承受喪父之痛。事後 Liddy媽接受有線訪問,眼濕濕說:「依家細蚊仔好難教,咁樣可以令佢早啲長大。」言談中,沒有一句怪責彭順說話。

李彩華

因舊愛王傲山與劉明軒離婚被拖落水,男方在網上貼文暗寸是前度李彩華放料,因而辣㷫 Rain母,公開挺身護女,「我個女唔使靠呢啲嘢宣傳,我諗佢借阿 Rain宣傳多啲!佢算老幾呀,如果佢想出名,我哋當幫吓人。」

除裙搵廁所

之前戴夢夢與 Ricky在街上糾纏上演一幕當街剝裙,夢夢媽更難掩

激動。

「心痛㗎!妹妹喺美國全部都知道,激死啦。除裙嗰單嘢,我知道佢一定係飲大咗,佢飲酒比較豪,每次同老闆食飯,就幫老闆頂酒,聰明嘅識飲都唔講啦,唔好咁傻!我諗佢係飲大咗聽咗啲刺激說話,佢同我解釋係搵廁所。」

對於 Ricky分居妻 Anne公開斥責戴夢夢係小三,夢夢媽反而為對方講說話。

「我冇資格講人哋好壞,我都好講道理,呢個女人( Anne)跳出嚟,都好可憐㗎!人哋婚姻廿七年,反轉如果係我,我都會咁樣。」夢夢媽說。

玄學家陳定邦與夢夢拍拖三年,曾宣布結婚,但最後因女方劈腿而鬧翻。

夢夢與阿邦拍拖期間,有指她與楊盼盼徒弟 German態度親密如情侶,阿邦為此多次與夢夢鬧交。

先搞清楚關係

做阿媽只寄望女兒搵到好歸宿,但見戴夢夢滿身傷痕,心痛的夢夢媽老淚縱橫。

「呢個時候乜都唔好講,有啲咩嘢天跌落嚟一定要頂住,屋企人父母、哥哥都會頂住,但千祈唔好再糊塗,好似張栢芝、阿嬌,佢哋咁大單嘢都係咁過。唔可以身份唔清,要搞清楚,我當你初初真係唔知後尾先知;感情嘅嘢好難講,今日好,第日唔好。(夢夢爸爸點睇?)爸爸話冇嘢好講,爸爸錫佢,話佢唔聽,佢話唔傾嘛,有咩辦法呢?」夢夢媽說。

四十九歲的太極鼓手 Ricky除在樂隊打鼓,還在廣州及香港開設音樂學校。

香港

廣州

夢夢貪玩愛刺激,與阿邦有結婚計劃後,竟搭上湖南衞視主播魏巍(右一),最後被阿邦揭發,分手收場。

鍾意就快D Share啦!