同你吟一吟
羅樂林不變應萬變
兩公婆分房瞓，十居其九，婚姻出咗問題，好似分房多年嘅林子祥、葉蒨文，傳聞男方一直唔願離婚，二人關係已經發展到同一幢大廈但住唔同單位，某程度已由公婆變成好朋友。
阿 Lam莎莉作風鬼佬鬼婆，自認傳統又保守嘅羅樂林就更非一般，四年前同陳寶儀離婚，繼續同住俾家用，仲負責做埋煮飯公。
上星期五（十九日）下晝四點幾，鍾意蒲九龍城嘅羅樂林，一支公走咗去九龍城廣場 Aeon百貨睇電飯煲，唔同牌子價錢功能，仲打開飯煲蓋 check吓，睇得好仔細。跟住轉場去日本城，睇電飯煲睇埋煲湯煲，但依然冇郁手。
同前妻結婚卅年，守住大台份工廿五年，六十六歲羅樂林，以不變應萬變，所以屋企個電飯煲未正式拜拜，都係用住先！
|
鍾意就快D Share啦！
|
|
|
