掃呢頁CODE去手機

2015年6月25日 星期四

羅樂林不變應萬變 [壹週刊 - 1320] M1,



同你吟一吟

羅樂林不變應萬變

兩公婆分房瞓,十居其九,婚姻出咗問題,好似分房多年嘅林子祥、葉蒨文,傳聞男方一直唔願離婚,二人關係已經發展到同一幢大廈但住唔同單位,某程度已由公婆變成好朋友。

阿 Lam莎莉作風鬼佬鬼婆,自認傳統又保守嘅羅樂林就更非一般,四年前同陳寶儀離婚,繼續同住俾家用,仲負責做埋煮飯公。

上星期五(十九日)下晝四點幾,鍾意蒲九龍城嘅羅樂林,一支公走咗去九龍城廣場 Aeon百貨睇電飯煲,唔同牌子價錢功能,仲打開飯煲蓋 check吓,睇得好仔細。跟住轉場去日本城,睇電飯煲睇埋煲湯煲,但依然冇郁手。

同前妻結婚卅年,守住大台份工廿五年,六十六歲羅樂林,以不變應萬變,所以屋企個電飯煲未正式拜拜,都係用住先!

12年羅樂林嫁女,當時同陳寶儀(左一)已經離婚,但雙方除咗夫婦關係不再,生活如常,羅樂林依然有俾家用,又負責做伙頭,所以佢睇嘅電飯煲都係四至六人飯量起。

喺 Aeon百貨睇完飯煲,再去日本城走一轉,儲物箱、湯煲乜都𥄫吓。

鍾意就快D Share啦!