全城熱爆的娛樂八封新聞 & 時事趣聞 & 生活 + 趣聞
獨沽一味睇杯碟家品，娜姐似乎要為香閨大變身。
「我永遠只愛周秀娜 死後也愛」上個禮拜，《壹》仔喺中環遊街，見到個年約四十歲嘅痴男，頭上箍住個寫住「只愛周秀娜」自製紙牌，當街當巷唱情歌，向娜姐示愛。
其實娜姐當日都有出街，但無去中環，而係同個朋友去咗尖沙咀行海港城，所以同痴男緣慳一面。真係行街嘅娜姐，冇入名店睇衫試鞋，亦冇買化妝品，佢有興趣嘅，只係杯杯碗碗，但都係睇吓摸吓，唔買！喺商場巡完一輪，就走落廣東道熱住咁企咗十五分鐘，唔係等人，係 call咗的士。《壹》仔望吓個錶，交更時間，有的士肯接 order已經好彩，等耐啲，都要！
雖然得閒約朋友去街，但娜姐要不時篤住手機覆訊息，好似佢自己話齋，多人追，逐個覆，都要時間。
等到眼瞓，足足企咗十五分鐘，架的士先到。
呢位兄台喺中環最多人嘅皇后大道中， set晒 speaker攞住搖鼓唱情歌向娜姐示愛，勁騎呢！
剛踏入三十歲嘅娜姐，強調唔會封胸，明買明賣，有腦！
