拍片教瑜伽，安全起見，高難度動作所佔比率只有兩成， Coffee示範的 visvamitrasana動作，主要強化雙手和腹部器官，以及鍛練大腿肌肉。
探熱針
有錢途 彭浩翔誘 Coffee露三點
殘廁 gathering一舉成名的 Coffee林芊妤，自從在電影《壹獄壹世界•高登闊少踎監日記》中，同男神王宗堯肉搏連場後，即惹來「關注」，多部電影拍門，包括彭浩翔監製的《同班同學》，點名要她全裸做女主角。怕被定型做肉女，連累家人承受無謂壓力， Coffee一律 say no！寧願將重心放回教瑜伽，又同新媒體公司合作搞網絡頻道，開發新錢途。
大茶飯
上月底做完電影宣傳後， Coffee開始潛水，甚至有戲搵她做女主角都唔接。放棄上位良機，只因有更吸引的大茶飯！據了解， Coffee正同新媒體公司 VS-Media合作，開發自家網絡頻道，拍片教瑜伽。
「話晒係自己個 channel，會好上心，要做好多 paper work，仲要緊貼用家口味！」 Coffee除了真身示範，亦要做埋資料搜集，一腳踢。
應傳媒的要求， Coffee過往曾公開做出各種高難度的瑜伽動作，結果引來自己的導師不滿，認為她刻意 show off。
「其實我學嘅 lyengar yoga係好生活化，可以透過好多家居 props去做到瑜伽動作，新一集嘅片，我就用咗水樽、皮帶同毛巾做工具。」 Coffee說。
一舉兩得
先後已拍了十條瑜伽片的 Coffee，還計劃拍旅遊片，以及一些有關兩性關係的題材，令頻道更多元化。
「佢哋（媒體公司）俾咗好多 idea我，嚟緊希望可以去其他地方，可能扮到好 sexy又或者唔化妝落酒吧，睇吓有無異性 approach我，應該會幾得意！」
據了解，媒體公司會將 Coffee的頻道發放到中、港、台三地，如果瀏覽人數高，贊助、廣告收益可觀，她每個月還有額外分賬。有錢搵，又有機會開拓香港以外的市場，一舉兩得！
為全心全意開發網絡財路， Coffee更一口氣推掉多部片約。
「其實都唔關事，主要係嗰幾部戲都要我性感，自己真係唔想被定型，你問我係咪身材好，我又唔覺係，我唔係靠個胸搵食，我係一個瑜伽導師，既然做咗（行性感）自己有啲唔開心，咁無謂讓步再讓步。其實少少性感我 OK，但要我好暴露，我未必想！」 Coffee說。
要求全裸
據了解， Coffee推掉的幾部電影，包括一部可以擔正女主角，但要她全裸演出； Coffee亦承認曾一口應承，只是對方一再提醒，叫她一定要諗清諗楚，不要衝動做決定。
「自己好鍾意拍戲，突然有機會，劇本又好，導演又好，當時真係好想拍；但好彩對方叫我諗清楚，返到屋企愈諗愈多嘢，諗番之前嗰件事（殘廁 gathering），唔想屋企人唔開心，最後都 turn down咗！」
至於 Coffee擔正但要全裸上陣的，是否彭浩翔監製的新片《同班同學》， Coffee不肯正面回應。
「邊套唔講啦，對而家做緊嘅人唔係太好。總之只要遇啱有好劇本、好角色，有限性感我會考慮，但露點、全裸，就一定唔會！」 Coffee肯定說。
胸前成功
25歲林芊妤（ Coffee）在大台多年，雖然做極都係閒角，但因為身材勁，多次成功令網民留下印象，但最轟動，始終係殘廁 gathering。
《衝上雲霄 II》
13年，在無綫劇《衝上雲霄 II》飾演馬國明女友，巨胸壓馬明一幕，網民極關注。
殘廁 gathering
去年與達利國際集團太子爺林知譽（ Will）於中環 ifc殘廁 gathering，事件哄動全城， Coffee一舉成名，但同時亦觸怒無綫，被迫解約，轉行做瑜伽導師。
《壹獄壹世界•高登闊少踎監日記》
戲中與男主角王宗堯有連場情慾戲，搶盡風頭，大膽的演出亦大獲好評。
|
鍾意就快D Share啦！
|
|
|
