掃呢頁CODE去手機

2015年6月25日 星期四

性感鳳姐行  Catwalk去洗毛巾 [壹週刊 - 1320] M1,



鳳姐忙於將客人用過嘅毛巾放入洗衣機。

爆壹爆

性感鳳姐行  Catwalk去洗毛巾

元朗安寧路利群樓係區內有名的鳳樓集中地,其中最有特色係鳳姐唔單只著住三點式泳衣或睡裙在鳳樓單位門口,風騷地賣弄身材引客入內幫襯,最搞笑係,佢哋仲會在走廊出巡,不過佢哋行出走廊唔係去吸引客人,而係拎污衣及毛巾去走廊盡頭,近樓梯位一間僭建板間房洗衫及洗毛巾,因內裡有洗衣機及乾衣機,格局真係有點似外國公寓式出租單位,即房客要拎衫去每層嘅洗衣房洗。

爆哥問過一位著三點式泳衣嘅鳳姐,佢邊放毛巾入洗衣機,邊解釋話咁樣洗毛巾,較乾淨及慳錢,以前每月起碼要花數百元予洗衣工場洗毛巾,另外,有獨立洗衣房,可方便一班同樓搵食嘅姊妹,估唔到鳳樓依家發展成咁,性感風騷鳳姐,行 catwalk去洗毛巾,嘩!咁樣洗毛巾會唔會乾淨啲,爆哥就唔知,但肯定好養眼及隨時招來生意。

另一位著得密實嘅鳳姐,將毛巾放入大膠袋排隊輪候用洗衣機。

鳳姐著住三點式泳衣行出行入去洗毛巾。

乾衣機貼有溫馨提示,着鳳姐順手幫忙乾毛巾。

上海仔賀雞腳黑生日

爆哥平日鍾意去尖東 happy hour,上星期二(十六號)經過帝苑酒店,咦,爆哥見到好多便衣探員駐守門外,好奇心作祟,咪走入去望望,原來勝和老叔父「雞腳黑」擺大壽,爆哥當晚仲見到「上海仔」,佢自從流浮山小桃園飯局後,一直行蹤低調,聽聞佢主要喺澳門貴賓廳出現,偶爾先回港 social。

野生捕獲上海仔,爆哥梗係想訪問佢啦,點知一句唔埋,現場啲古惑仔衝埋嚟問候爆哥娘親。 Well!輕鬆啲啦香港人,上海仔有人氣,爆哥先想上前訪問啫,你睇電影《竊聽風雲 3》方中信一角,都係模仿上海仔嘅造型。

上海仔(中)由現任坐館「肥堅」(右)護送出入。

樹根蒲老蘭

上週五,立法會表決政改,發生世紀大蝦碌事件後,幾位立法會議員即撲出嚟,又喊同猛咁自責咁認衰認錯,企圖挽回些面子及聲譽,總之,好戲連場而其中有跟大隊離開立法會議事廳嘅樹根,可能佢無諗住選特首或爬上更高位,所以唔似幾位立法會議員,咁落力去交戲。上週六,爆哥去老蘭蒲,近凌晨十二點,就發現佢同兩名男友人在翠華茶餐廳吹水,佢仲講咗唔少英文,猛話玩 cosplay,睇嚟樹根心情幾靚,完全無受政改表決一事影響,另外,爆哥好想知佢口中 cosplay係點玩法?

上週六晚,蘭桂坊人頭湧湧,樹根心情靚靚同友人到老蘭吹水,交流 cosplay心得。

鍾意就快D Share啦!