同你吟一吟
陳法蓉抗老之謎
要同年齡歲月玩遊戲，靠生活規律注意飲食同運動，少啲意志力同時間都唔掂！想快速見效，唔少人選擇醫學美容，不過，只要稍為重手，就出事。
娛圈一籮美魔女，只係真正天生麗質唔多，陳法蓉算其中一個。仲有一年多啲，就到五張，但無論皮膚同個 body，仲好見得人。保住副偈，陳法蓉選擇由內到外。返內地拍劇，一年一部，夠籌！因為 keep得好，有唔少國內美容品牌活動 job，唔會捱殘，做！仲有，平日出街，零妝頂多搽吓防曬，一年四季，戴帽戴眼鏡戴口罩，俾皮膚休息。
因為休息夠，唔使花太多金錢時間做其他無謂嘢。上星期四（十八日），《壹》仔喺尖沙咀海港城見到陳法蓉喺 Fancl補貨，買完就走。
Less is more，陳法蓉不膠之謎，其實好簡單。
|
鍾意就快D Share啦！
|
|
|
