全城熱爆的娛樂八封新聞 & 時事趣聞 & 生活 + 趣聞
除咗有高大男傍住，仲有個大隻肌男陪睇衫。
早個禮拜，《壹》仔喺銅鑼灣見到之前一度被誤傳係西貢甘澍路大宅綁架案肉參嘅邢嘉倩，同個生得相當高大嘅男性朋友，一齊上咗時代廣場四樓 Calvin Klein睇衫。
過咗陣，再嚟多個大隻肌男！兩男一女喺鋪頭磨咗個幾鐘，其間邢嘉倩不時攞住啲衫同大隻男有商有量，至於同車到嘅高大男，就無論佢行去邊，都喺左近傍實。其實好似邢嘉倩呢類有米二代，就算唔習慣有保鏢跟身，出入都真係應該搵人傍住，點都穩陣啲！
無論邢嘉倩行去邊，高大男都會陪喺左近。
雖然冇黑西裝保鏢跟身，但邢嘉倩身邊個高大壯男，唔打得都睇得。
老豆同生母張天愛分開多年，自小跟邢李㷧生活嘅邢嘉倩，同繼母林青霞感情相當好。
