2015年6月25日 星期四

乜都得 角色新舊兩撈 《愛•回家 2》變穿越劇 [壹週刊 - 1320] M1,



近日開拍的《愛•回家 2》,雖然新血有張繼聰,黃翠如及麥長青等,但亦有舊人穿插,換血換到唔湯唔水。

探熱針

乜都得 角色新舊兩撈 《愛•回家 2》變穿越劇

《愛•回家》八月收檔,接力的新處境劇劇名搬字過紙,《愛•回家 2》!

劇名炒冷飯,人物角色亦一樣。據悉,由舊劇直通去《愛•回家 2》的六名演員,其中三個角色不變,另外三個換新身份,處境劇變成穿越劇,大台高招!

循環再用

播足三年,長氣處境劇《愛•回家》欲斷難斷,接棒的新處境劇索性叫《愛•回家 2》;劇中骨幹由馬家及律師樓變成海味鋪同健身中心,無綫編劇夠晒環保,一於循環再用,諗都唔使諗!

據了解,搭直通車到《愛•回家 2》的黎諾懿,繼續以「馬壯」身份,與律師樓同事的張達倫及楊卓娜「嚴謹夫婦」在新劇出現,至於曾經在《愛》劇中飾演餐廳主管的馬海倫、飾演黃德斌細妹的龔嘉欣、律師樓古明華的徒弟張振朗,三人角色均屬全新;所以,當「馬壯」、「嚴謹」夫婦在新劇遇上呢班「舊相識」時,已恍如隔世。

我話點就點!(設計對白)

在戲劇組一統天下嘅曾勵珍,堅持將《愛•回家》延續,仲搞到劇情似穿越。

黎諾懿同飾演夫婦嘅張達倫及楊卓娜,以舊角色現身《愛 2》,卻同舊腳新角嘅馬海倫、龔嘉欣及張振朗做對手,三個字:亂晒龍!

珍姐落旨

其實《愛•回家 2》的男女主角已換上張繼聰及黃翠如,唔一炮過換血,只因太后點燈,話點就點。

「其實監製個位都換咗由羅鎮岳負責,佢都唔想班演員新唔新,舊唔舊,會好尷尬;但珍姐(曾勵珍)擔心班師奶觀眾一時間睇唔慣,所以要留低馬壯(黎諾懿)同嚴謹夫婦(張達倫及楊卓娜)呢幾個角色幫手過渡。

至於龔嘉欣同張振朗都係珍姐點名要力捧,馬海倫就更加唔使講,係人都知佢哋係手帕交!其實馬海倫個新角色俾任何一個甘草做都得,但處境劇易爆騷又輕鬆,呢啲筍 job,當然益番自己人。所以就算舊撈新,觀眾會混淆,但珍姐嘅主意,無人敢出聲。」劇組工作人員爆。

馬海倫係珍姐老友,經常孖住行街,故幾個長壽處境劇,佢都成為珍姐指定人選。那怕做足三年《愛•回家》,新一輯繼續用。

近期吃香男一張繼聰,拍住形象入屋黃翠如,唔知可唔可以幫無綫喺黃金視段挽回收視!

徐遇安

《愛》劇監製由舊將徐遇安變成羅鎮岳接棒,幕後班底反而大換血。

羅鎮岳

直通《愛 2》

鍾意就快D Share啦!