掃呢頁CODE去手機

2015年6月25日 星期四

拖實 9歲女 關詠荷好手緊 [壹週刊 - 1320] 關詠荷,M1,



同你吟一吟

拖實 9歲女 關詠荷好手緊

每逢學校長假期,張家輝都會盡量抽時間,同老婆關詠荷帶埋囡囡 Brittany出去玩,離境家庭樂。不過,今個暑假就可能破例。

下個月,張家輝就要埋位開賀歲片《賭城風雲 3》,上集內地票房收近九億七,但今次對手除咗《孫悟空之三打白骨精》,周星馳部《美人魚》同宇宙甄子丹《葉問 3》都可能上農曆新年檔,仲有強手《功夫熊貓 3》,所以無論投資同演員陣容,《賭城 3》都會再加碼。

要開工,湊女就要靠晒關詠荷。 12年幫大台拍完《情逆三世緣》後,又再停產,睇住升上小學嘅 Brittany。上星期四(六月十八日),關詠荷帶埋囡囡落咗中環,行上擺花街經過 Patagonia,入去望咗陣,又喺 Book@ine買咗包朱古力俾 Brittany。

個女已經九歲大,但全程俾媽咪拖實,關詠荷一步都唔放。老婆補晒位,張家輝可以放手一搏,幾年間,片酬由 200萬港紙跳到千二萬人仔,真正發達靠老婆。

同老豆影印一樣嘅 Brittany,全程俾媽咪拖住。

囡囡稍為行快少少,關詠荷都好似麻鷹捉雞仔咁,即刻捉番!

《賭城風雲 3》七月開機,張家輝同發哥嘉玲都有份冧庄。

12年同歐陽波比合作大台劇《情逆三世緣》後,因為囡囡升上小學,關詠荷就唔再接劇。

鍾意就快D Share啦!