同你吟一吟
拖實 9歲女 關詠荷好手緊
每逢學校長假期，張家輝都會盡量抽時間，同老婆關詠荷帶埋囡囡 Brittany出去玩，離境家庭樂。不過，今個暑假就可能破例。
下個月，張家輝就要埋位開賀歲片《賭城風雲 3》，上集內地票房收近九億七，但今次對手除咗《孫悟空之三打白骨精》，周星馳部《美人魚》同宇宙甄子丹《葉問 3》都可能上農曆新年檔，仲有強手《功夫熊貓 3》，所以無論投資同演員陣容，《賭城 3》都會再加碼。
要開工，湊女就要靠晒關詠荷。 12年幫大台拍完《情逆三世緣》後，又再停產，睇住升上小學嘅 Brittany。上星期四（六月十八日），關詠荷帶埋囡囡落咗中環，行上擺花街經過 Patagonia，入去望咗陣，又喺 Book@ine買咗包朱古力俾 Brittany。
個女已經九歲大，但全程俾媽咪拖實，關詠荷一步都唔放。老婆補晒位，張家輝可以放手一搏，幾年間，片酬由 200萬港紙跳到千二萬人仔，真正發達靠老婆。
|
鍾意就快D Share啦！
|
|
|
