同你吟一吟
黎瑞恩要乜有乜
因為國產小三介入，糾纏多年依然保唔住婚姻嘅黎瑞恩，舊年終於的起心肝，同曾智明離婚，仲帶埋一對子女搬出九龍塘曾家大宅，唔再做金利來新抱。
嫁入豪門超過十年，零物業揸手，直至回復單身，忽然豪花四千幾萬入市連掃三個單位，咁啱仲要係揀正緋聞男友鄭應南（免稅店大王）都揸唔少貨嘅天賦海灣。
上個禮拜，《壹》仔喺九龍城見到黎瑞恩，雖然已經搬咗去大埔超過一年，但買慣買熟，好多時都特登揸車返去幫襯舊街坊。是日黎瑞恩冇用司機，自己揸車落永富買生果，又芒果又水蜜桃，三大袋走。
買咗新屋，又有新歡，連揸住嘅 Mini Cooper，都係離咗婚之後先買，落地唔夠一年。冇咗個老公，黎瑞恩反而要乜有乜。
|
鍾意就快D Share啦！
|
|
|
