同你吟一吟
郭藹明知慳識儉
男主外女主內！成功賢內助，以前只需要買餸煮飯持家湊細路，今時今日就唔同講法，要慳家仲要識得幫老公累積財富。圈中成功星太之中，我哋個平民特首夫人發嫂應該雄踞榜首，朱麗倩、關詠荷、郭藹明、汪詩詩亦一定喺十大之內。
為咗另一半，郭藹明有人搵都推，全引退。因為青雲要留喺內地拍陳木勝新片《危城殲霸》，連結婚紀念日，人妻要人肉速遞上杭州慶祝。
老公專心𢱑銀，郭藹明做後援幫青雲投資物業，買屋買鋪，每次買賣，有賺冇蝕！早個禮拜，郭藹明一個人去咗尖沙咀海港城，唔行名店冇買無謂嘢，走入 city'super幫屋企上糧，買咗兩大袋就走。
識同老公搵錢，又知慳識儉，八珍相信劉青雲下世都一定再娶郭藹明。
|
鍾意就快D Share啦！
|
|
|
