2015年7月9日 星期四

機場直擊 大婆 Heidi fing開洗米華 [壹週刊 - 1322] 洗米華,李靜儀,Heidi,周焯華,M1,



當晚一家乘夜機飛英國,未氹番掂老婆的周焯華,登機時掃一掃她背撩傾偈,但遭 Heidi當透明!

探熱針

機場直擊 大婆 Heidi fing開洗米華

正印 Heidi(陳慧玲)同小三 Mandy Lieu前後腳生女,周焯華成功刷新娛圈兩週抱兩女紀錄。齊人福唔易享,撲完去英國陪女友生 B,周焯華返到香港又要安撫臨盆正印,點知老婆未坐完月,周焯華又被拍到在新加坡會 Mandy。

補鑊無限 loop,正印 Heidi決定不再心軟。上週舉家飛英國出席大仔畢業禮,等上機期間,周焯華扮矮仔氹老婆,點知俾 Heidi一手 fing開,冇癮!

繼而他示意幫老婆拎手袋,但唔睬佢嘅 Heidi即刻彈開,黐向阿女。食老婆檸檬的周焯華唯有把玩阿女頭髮解「瘀傷」。

在候機室,雖然有乖女餵食餅乾,但最想老婆睬番佢嘅周焯華,繼續撩傾偈,對方都係冇反應。

對正印所生的兩個女,周焯華非常愛錫, Check in期間,他不時對女兒 Virginia又攬又錫。

有風度的周焯華,過往總愛幫老婆挽手袋以示體貼。但今鋪重施故技,都氹唔番老婆。

不滿三人世界

佗女時籮咁大個肚嘅正印 Heidi,坐完月話咁快修身,踩住 Jimmy Cool四吋高踭鞋,一啲都唔似生過。

上週六(七月四日),周焯華大仔周柏豪在英國行高中畢業禮,老豆帶埋生完小米女只有一個多月啲的 Heidi,舉家赴英觀禮,事後洗米女 Virginia更在社交網站貼上校園全家福。

周焯華左右逢源,但正印 Heidi以行動表明拒絕接受三人世界,出席畢業禮期間,不但拒絕同老公排排企合照,還全程當對方透明,拒絕交流。

Heidi臨盆前三日,周焯華瞞住老婆飛到英國陪 Mandy生女,事件曝光後,周焯華返港補鑊,並承諾會盡快收拾殘局,但 Heidi未為所動,坐月期間,對老公不瞅不睬。

俾面大仔

「出事之後,為咗氹番老婆,華哥晚晚返到屋企第一時間去湊女,希望可以同老婆打開話題傾番偈。十幾年夫妻, Heidi見老公咁錫個 B女,原本都心軟,兩公婆有番偈傾,點知都未坐完月,華哥又俾人影到去咗新加坡見 Mandy,唔好話當事人,我哋成班朋友都覺得華哥咁做有失分寸。之後返到澳門,無論華哥點氹, Heidi都冇反應,今次如果唔係個仔(柏豪)畢業, Heidi根本唔會同華哥一齊飛。」知情者說。

上週五晚(七月三日),出發飛英國的周焯華偕同妻女兒、父親及親友,一行約十人浩浩蕩蕩到機場,火速修身的 Heidi,全程搵囡囡 Virginia做擋箭牌隔開老公。唔想當住親友面前食檸檬,初時周焯華故意拉住助手行開煲煙,直至親友行入閘,見人少少,他才把握時機,主動埋去拉住 Heidi的手袋,卻遭老婆拒絕彈開。

在長子柏豪畢業禮,雖有一家四口合照,但 Heidi點都唔肯同老公企埋一齊。

畢業禮後, Heidi在 fb分享英國家庭樂,張張合照有仔女,獨欠老公。

爆出 Mandy產女前,受氹的 Heidi不時讓老公攬到實,好 sweet。

五月中,周焯華瞞住老婆到英國接 Mandy兩母女出院,令臨盆在即的正印大受打擊。

身體差晒

剛滿月的小米女 Damina,長得跟爸爸餅印一樣,深得他疼錫。

在候機室等上機時,周焯華再接再厲,隔住女兒 Virginia撩老婆傾偈,但 Heidi繼續冇厘反應。到登機前一刻,周焯華最後一擊,結果一樣,始終撬唔開 Heidi把口。

企硬! Heidi在社交網站公開的家庭相中,亦清一色獨欠老公。心情差,產後 Heidi身體亦較以前虛弱。

「佢坐月嗰段時間成日失眠,情緒又波動,生完細女之後仲病咗幾次。兩個女,大嘅得十二歲,細嘅得一個月大,身邊人都勸佢,俾心機湊好個女,搞番好自己身體先,其他嘢唔好諗。」知情者說。

傷妻號

家有嬌妻仲未滿足,外面隨時收埋小三小四,傷盡老婆心的娛圈男,多到數唔晒。

陶喆

內地女星楊子晴最近公開跟陶喆的情慾短訊,當中不乏露骨內容,包括陶喆問女方:「妳想那個嗎?」賤男更在短訊中自爆與妻子結婚,是母親的「旨意」。

黃秋生

黃秋生與妻子吳惠貞結婚十九年,兩子現年分別十八歲和十六歲。黃秋生一向異性緣旺,去年被指和內地奀星魏璐晚飯後孖住去維園激戰,之前又任由辣模 Jessie Cheung自出自入寓所。早年拍內地劇《八大豪俠》時,更傳搭上細廿年的范冰冰,被指一同離組神秘失蹤一小時。

許智政

九五年亞姐亞軍黎淑賢與盧惠光離婚後,改嫁美容醫生許智政,再誕下兩兒。早前老公被指跟公司女職員關係曖昧多時,半夜街頭攬啜。

鍾意就快D Share啦!
Related Posts Plugin for WordPress, Blogger...