爭崩頭 《好聲音》第四季 Gin Lee跟周董鬥閻奕格 [壹週刊 - 1322] Gin Lee,周杰倫,周董,李幸倪,M1,

探熱針

爭崩頭　《好聲音》第四季　 Gin Lee跟周董鬥閻奕格

浙江衞視人氣節目《中國好聲音》第四季本月中開鑼，因情緒病失蹤三年的閻奕格打入四十八強，與香港代表李倖兒（ Gin Lee）齊齊成功搶入周董隊。

簽保密協議

第四季《中國好聲音》早於五個月前進行甄選，四位星級導師周杰倫、庾澄慶、那英及汪峰已揀出最後四十八強。一○年參加《超級星光大道星光傳奇賽》奪冠的閻奕格、曾在《超級巨星》踢館成名的馬來西亞歌手 Gin Lee與張惠妹的胞妹張惠春均是參賽者之一。

「閻奕格、 Gin Lee同張惠春過去幾個月都 keep住飛去內地唔同省份比賽，六月尾終於選齊四十八強，不過因為所有人都要簽保密協議，所以大家都唔會講，以免節外生枝。」知情者說。

一○年參選《超級星光大道星光傳奇賽》的閻奕格表現震撼中、港、台，但出道一年忽然如人間蒸發。

「紅得太快，令 Janice（閻奕格）適應唔到，加上亂咁減肥，以為唔食嘢就得，搞到身體出晒問題，情緒有事再加埋厭食，屋企人擔心佢出事，要佢全面停工，等到完全康復先可以繼續。上年 Janice終於回歸，雖然肥咗，但好彩歌迷仲好受。」

所有參賽者都要簽下保密承諾書，協議不將參賽內容透露。

第四季《中國好聲音》除有原班人馬的庾澄慶、那英及汪峰作導師外，還加入了將為人父的周杰倫。

去年正式回歸樂壇的閻奕格，雖然仍有點肥腫，但精神飽滿。

陳樂基與 Robynn& Kenny是《中國好聲音》第三季的參賽者，代表香港的他們分別在十六強及八強止步。雖然未獲勝，但入圍足以令他們在內地的人氣急升，現在賺人仔為主要收入。

張惠春揀那英

復出樂壇，閻奕格簽約華研音樂，去年十月曾參加中國東方衞視節目《中國夢之聲》第二季試水溫。

「收到《好聲音》邀請， Janice同華研都好振奮，個節目收視好又多高手，如果可以打入最後八強，肯定爆紅。」

除了閻奕格，轉投環球的 Gin Lee亦入選最後四十八強。

「 Gin Lee同閻奕格都揀咗跟周杰倫隊；至於張惠春（張惠妹親妹）就揀咗那英，佢同家姐一樣，唱得跳得。」有知情者說。

張惠春有晒家姐張慧妹的真傳，能歌擅舞的她，最終選擇入那英隊。

轉投環球旗下的 Gin Lee，被獲邀參加第四季《中國好聲音》，近半年她不斷四處飛，在微博很多時看到她上載在機場的相片。

出口術

周杰倫收三千萬人仔做《中國好聲音》第四季導師，處男下海，成功吸引學員爭相搶入周董隊，最主要是他事先張揚，會為隊中成員預留席位，參演籌備中的音樂劇及安排對方接受百老匯式的唱、跳、演專業培訓，出晒口術，令隊中十二個名額，最早爆滿。

鍾意就快D Share啦！

下一篇 》