原本收 150萬的張晉，吼準《殺破狼 II》大收，乘勢上調片酬至 400萬，依然有價有市。
探熱針
吐氣揚眉 新價四百萬 張晉打通中港
黃柏高一手策劃的《殺破狼 II》上畫十五日（截至七月二日），內地票房已經衝破五億，片中多個動作演員身價水漲船高，包括飾演大反派的張晉，片酬由 150萬，一躍至 400萬，同一時間，香港的太陽娛樂和國內的華誼兄弟爭相密謀將這隻金鵝私有化。老公成為影壇搶手貨，蔡少芬吐氣揚眉。
依然抵用
四川武術隊出身，屬於國內精英級運動員的張晉，九八年退役開始入行，由替身做到武指，去年憑《一代宗師》獲金像獎男配角，扶搖直上。
上月，張晉與甄子丹在上海拍《葉問 3》，因為劈爆宇宙最好打的鼻樑登上頭條；近日有份主演的《殺破狼Ⅱ》，上畫十五日，在內地已經衝破五億人仔，令張晉更加爆紅。
去年在香港電影金像獎奪得最佳男配角後，張晉已經躋身百萬片酬之列，以百五萬接拍葉偉信執導的《葉問 3》，《殺破狼Ⅱ》大收，張晉片酬一躍升到四百萬。
「動作演員一向渴市，甄子丹已經五十三歲，當打嘅只有吳京、張晉，之前吳京自資自導自演嗰部《戰狼》亦收過五億，加埋今次《殺破狼Ⅱ》，一再證明，佢哋有賣座保證。吳京由一百萬加到去一千萬，所以張晉四百萬其實好抵用。」一名電影幕後人說。
華誼搶人
供不應求！據了解，有片商為求搶得張晉檔期，不惜以五百萬人仔利誘簽約外，亦有公司希望將張晉據為己有，其中包括土炮太陽娛樂和國內龍頭電影公司華誼兄弟。
上週四（七月二日），在內地出席完謝票活動的張晉，現身電影慶功，是夜太陽娛樂一擲八十萬現金抽獎，張晉鴻運當頭，被導演鄭保瑞抽中，得五萬獎金，之後老闆周焯華攞錢加碼再抽，張晉又中二千，人財兩旺。對於成為中、港電影公司的爭奪對象，張晉表示無任歡迎。
「有電影公司欣賞我，係值得開心！我同我經理人都係 open嘅，同邊間公司合作，我哋都會傾。」張晉說。
至於乘勢加價，張晉說：「只要市場覺得值呢個價，我覺得作出調整，都係應該嘅！（滿意加幅嗎？）吓！我都係想為屋企賺多啲錢啫！」
不再只是蔡少芬老公的張晉，終於捱出頭！
|
鍾意就快D Share啦！
|
|
|
