全城熱爆的娛樂八封新聞 & 時事趣聞 & 生活 + 趣聞
飲完嘢，低胸兼谷胸嘅麗嘉自己走先，大女曼喜繼續陪媽咪行街。
新娘子 Kary想早日做媽咪，其實有 B趁嫩生都係好事，你睇名模馬詩慧，同王敏德結婚之後，快手生完大女曼喜，接住嚟多個麗嘉，隔多幾年再添多個男丁躍穎，家陣兩個女已經讀完書出身，細仔就讀緊中學，只係五字頭，馬詩慧已經可以享兒女福。
上個禮拜四（二日），三母女一齊蒲，行到攰，坐低 Starbucks飲咖啡，兩個女排隊買嘢食兼俾錢，馬詩慧繑埋雙手等食，三母女邊飲邊吹水，完全冇代溝。早啲生，有着數！
兩個女負責排隊買嘢，馬詩慧只係幫手霸位。
