全城熱爆的娛樂八封新聞 & 時事趣聞 & 生活 + 趣聞
乜嘢係「油水都冇滴」？大家睇吓 52歲嘅江華就會明白。
上星期四（二日）下午兩點幾，已經轉行做保險嘅江華，一個人戙咗喺 Elements近 W酒店出口，便服打扮仲踢埋拖，應該等朋友唔似約咗客。T恤三個骨褲嘅江華，手筋腳筋血管現晒形，皮下根本零脂肪，比起食菜要白烚嘅劉華，更加乾「爭爭」。過去五年，因為情緒病同傷患冇做嘢，江華全副心機 keep住 model身形，老婆麥潔文要孭起頭家，就愈捱愈脹。壓力呢樣嘢，真係因人而異。
瘦過劉華嘅江華，瘦到手同腳現晒血管，一滴脂肪都冇。
江華 keep fit，同日亦約咗朋友喺圓方 tea嘅麥潔文就 keep fat。
