經驗豐富的 Eddy對龍蝦很熟悉，影相時徒手舞弄也不怕被刺到手。
壹盤生意
大廚賣股創業 開十日賺五萬
港股大時代瞬間玩完，曾任美麗華大廚、四十五歲的梁偉灝（ Eddy），早於今年四月尾，已認為股價過高，把以八元買入的南方 A50（ 2822），於十七元沽貨，套現數十萬元頂手中環餐廳，並開設「龍蝦寶寶」，改賣八十八蚊一份的龍蝦腸粉、龍蝦碗仔翅等。
股市難玩，但創業也不容易，尤其在中環開鋪，客人要求甚高，鋪租又昂貴。要賺錢， Eddy做到酒店的質素、快餐店的速度，開業十日已賺五萬。雖然生意不俗，但經歷過生意失敗、要賣樓還債的他也有擔心，「你唔好寫得我生意太好，我唔想坊間有咁多龍蝦乜乜乜呀！」
龍蝦寶寶身處中環租庇利街一幢舊式商廈地鋪，客人要先推開玻璃門，走過一條長長冷巷才到達，位置隱蔽，但開業十日，午市天天全場爆滿，營業額已有廿萬元，扣除成本，淨賺五萬。 Eddy指遠至屯門、天水圍都有人來捧場， Eddy對龍蝦寶寶很有信心：「做餐廳首先有令人『 wow』一聲嘅感覺，無人試過龍蝦咁配搭腸粉同碗仔翅，但我做得到，我知道一定會爆。」本週一，環球股市大屠殺，但龍蝦寶寶生意不減， Eddy牙擦說：「咁客人都要食飯㗎，我啲嘢又好食！」
貪龍蝦難煮
Eddy認為正是龍蝦難煮，故此以龍蝦做主題，「一般人想煮龍蝦，跟住食譜都未必好食，火候、時間好難控制，煮耐少少就會嚡，浪費咗隻龍蝦。中環啲中產客，出嚟食一百蚊碗龍蝦麵，絕對俾得起錢。」曾有多年酒店大廚經驗的 Eddy，把酒店的細緻煮法搬到這裡，「先用滾水將龍蝦煮至九成熟撈起，浸入冰水降溫，唔好熟透，要讓龍蝦保持爽口，到上菜時才用龍蝦湯浸熟。」煮龍蝦腸粉及碗仔翅時，會加三分一隻波士頓龍蝦，再加入熬了十多個小時的龍蝦湯。最後將龍蝦頭加入牛油慢炒，精煉出來的龍蝦油加在菜式上，提升味道層次。「你話，除咗火候控制，個龍蝦湯、龍蝦油，你喺屋企點整到！」其餘食品，如烏冬的配菜車厘茄，他就以橄欖油慢煮兩小時，溫泉蛋以黃酒浸十小時，連粟米粒亦用牛油炒。
在坪石邨長大的 Eddy指以前每到放學時間，就會和同學仔去吃碗仔翅，這種街坊小吃是不少人的童年回憶，但他笑言以前買一碗只需兩毫子，現時在他鋪頭吃就要八十八蚊一碗。如何令客人甘心付多一點錢吃，他指所有細節都要注意，他說：「桌上有海鹽、炒蝦子、炒蒜片、生葱，客人可『免費』任加。」 Eddy自中五畢業開始學廚，曾任多間酒店大廚，為張國榮、譚詠麟煮過到會，亦做過美麗華酒店的高級自助餐餐廳 YUMM的大廚。 Eddy現時會穿着寫有「 Chef Eddy」的廚師制服，以大廚身份，走出樓面親自招呼客人，營造在酒店吃飯的感覺。客人 Queenie與 Maisy，指吃得出這裡每個細節都有下功夫，故開業十日，已來過六次﹗
一個午市三轉客
中環租金貴，而且只有午市，晚市客人少， Eddy指廚房一定要快手，務求做到一個午市三轉客，「呢度只有近三十個座位，出菜一定要快。午市大約兩小時，我可以做三轉客，加上外賣自取就有百多份賣出。」菜式要精、上菜要快， Eddy指前期準備功夫是重要一環，他說：「喺酒店做四千人分量的餐，只有十多個伙記，只要安排得好就一樣應付到。」他要求師傅早上十時就回鋪頭準備好龍蝦湯、碗仔翅、腸粉，湯麵的配料：粟米、車厘茄、荷蘭大啡菇、溫泉蛋都做定幾盤，將一切可以預先做的工序都預先做好。龍蝦腸粉是招牌菜之一，但為慳時間，會買入深水埗知名的腸粉代替，「我屋企人細個做布拉腸粉，我都識做，不過太花時間。現時有柯打時，龍蝦就用湯浸熱，連湯及油加到各種菜式。」但部分菜式，就堅持即煮，如慢煮三文魚、炸豬排等。
餐牌上只有十款菜式， Eddy說：「專注就會快，本身只有五款，不過又覺得太少選擇，所以後來加入幾樣我嘅招牌菜，如脆皮葱油雞野菌飯。」款式少，廚房接到的柯打較集中，像餐牌中的麵類只有烏冬，廚房就可以一次過處理幾個烏冬的柯打。 Eddy指餐牌選擇少，客人考慮時間亦縮短，現時平均由入座到出菜只需約四分鐘。 Eddy見客人吃完就會收碗並請他們先埋單，「埋咗單，又見鋪頭咁爆，多數都會識做啦。」記者所見，客人由入座到埋單，都不用半小時。
制訂出貨標準
Eddy預計整個月生意額會有六十萬，見生意好，他已計劃開分店，「我要在港島區開五間分店，灣仔、銅鑼灣、尖沙咀都可以考慮。」 Eddy平時要回私房菜睇檔及每天親自去街市買餸。四十五歲的他說開始為退下來做準備，「我唔想到七十歲都要日日下廚，才賺到錢呀！」故他為各種食物煮的時間、調味料的分量定出標準，亦讓將來各間分店新請的廚師都能做出一貫的味道。他們用波士頓龍蝦而不用較好吃的珍珠龍蝦，就是因為質素較穩定，「香港的珍珠龍蝦其實更彈牙，不過香港有休漁期，我唔想好食幾個月，跟住又唔同咗味道，所以就用全年都有的波士頓龍蝦。」龍蝦大小亦要保持在每隻六百克，每隻成本約一百元，「太大隻會嚡口，同埋 size一樣，我煮嘅時間都可以劃一，唔怕有啲太熟。」
要開五間分店，來貨一定要穩定。 Eddy與供應商關係良好，故供應商樂於與他合作，他滿有信心地說：「有靚貨一定俾我先，唔夠貨都會先留俾我。」因為每月一出單， Eddy就立即找數，絕不拖數。○三年沙士前，他開設的私房菜 Poison Ivy，曾有七間分店，但沙士來臨，他要止蝕結業，本來 Eddy大可一走了之，不過他卻選擇賣樓還清百多萬債務，「市道差，大量餐廳結業，供應商都無生意。個個老闆結業都會走供應商數，只有我還錢。身邊朋友都話我黐線，供應商就感激我，因果就係咁來！」
開業資料（ 6/15）
裝 修：$150,000
廚 具：$100,000
租 金^：$50,000
總投資：$300,000
^因頂手續租，故無需按金
營業資料（ 6/15）
營業額：$200,000
租 金：$50,000
人 工#：$60,000
食 材：$40,000
盈 利：$50,000
*開業十天
#七位員工大半個月工資
|
鍾意就快D Share啦！
|
|
|
