掃呢頁CODE去手機

2015年7月9日 星期四

美國冷靜一個月 朱慧敏返港將 Eddie降呢變朋友 [壹週刊 - 1322] Eddie,朱慧敏,M1,



含淚回應:結婚暫時唔再考慮!(真實對白)

探熱針

美國冷靜一個月 朱慧敏返港將 Eddie降呢變朋友

原本已在四季酒店訂下三十圍酒席,明年二月出嫁的朱慧敏,籌備婚事期間與未婚夫 Eddie(彭懷安)開拖,加上男方夜會𡃁模斷正,準新娘寧願撻訂,將婚事煞停並出走美國。

上週,已返港的朱慧敏含住眼淚話婚事繼續押後,還將 Eddie降呢為朋友。

Eddie冇接機

搞婚事搞到臨近分手的朱慧敏,上月遠飛美國散心,情傷未癒,還被無綫在傷口上灑鹽,在《愛•回家》大結局,重播數月前一集講及她向馬壯(黎諾懿)拒婚的情節:「你相信我,你仍然係我嘅終點,我哋會有結婚嘅一日,只係我想慢啲。」

上週二(六月三十日),黑色口罩加太陽眼鏡遮冚的朱慧敏由美國返抵香港,曾表示跟未婚妻保持良好溝通,有信心箍煲成功的 Eddie未有現身接機,出閘後,有朋友幫手拖行李的朱慧敏,急步行去上車返回清水灣半島,當晚亦未見 Eddie蒲頭。

上週二( 6月 30日),朱慧敏秘密返港,黑色口罩加太陽眼鏡,十足幪面超人咁落機。

Eddie冇去接機,朱慧敏獨自登上七人車返香閨。

含淚暗示分手

幾日後(七月三日),精神看來相當不錯的朱慧敏晨早出動到西貢拍微電影。問她跟 Eddie是否和好如初時,朱慧敏更將未婚夫降呢為朋友。

壹:壹週刊朱:朱慧敏

壹:同 Eddie關係有冇改善?

朱:有正面改善,溝通良好、開心。

壹:婚事照舊還是取消?

朱:(帶點難堪)唔……唔諗住!

壹:而家你哋關係如何?繼續係情侶還是朋友?

朱:知己囉!朋友……同埋係我好好嘅生意夥伴。

壹:算唔算係分咗手?

朱:(聽到分手兩字,朱慧敏開始眼眨淚光,咽哽說下去。)知己囉!感情事我唔係好想講太多,因為感情嘅嘢唔係三言兩語解釋得清楚,我哋仍需要啲時間。主要問題係行到婚姻呢步,以前唔係好發覺嘅問題出現咗,需要時間各自處理,所以現階段大家專心工作先。

返港不久,朱慧敏已經要開工跟小演員拍微電影,現場所見她狀態不錯。

朱慧敏現在視 Eddie為知己,暫時難重拾昔日溫馨,婚期更是無限期押後。

Eddie為挽回未婚妻朱慧敏信心,洗心革面不再夜蒲,可惜暫未能打動她。

之前 Eddie被爆跟韓妹把酒談心,朱慧敏已幫他解話。

今年 5月 Eddie夜會「長腿 G.E.M.」陳惠敏,令朱慧敏決定將婚禮煞停。

再冷靜半年

壹:仲未原諒佢?

朱:唔係。我從來冇唔原諒佢,由始至終佢都好好,我好信任佢,因為我好清楚佢本質。

壹:當日答應結婚係一時衝動?

朱:唔可以咁講,我同佢係相愛

㗎嘛!

壹:最近佢為你改變咗好多!

朱:係!好感動,食咗十幾年煙都戒咗,以我所知,佢而家冇乜飲酒,不必要嘅夜間應酬亦唔去,變晒日間活動。

壹:咁 Eddie仲係咪你結婚對象?

朱:其實而家唔係佢問題,係我問題,我想專注工作多啲,結婚暫時唔再考慮。

據了解,在朱慧敏出走期間, Eddie為挽回未婚妻的信心,戒絕夜蒲,日間活動,也只是跟舊同學跑步、打網球,洗心革面守行為,但朱慧敏未有因此軟化,返港後更向對方提出再冷靜多半年。

「 Queenie知道呢段時間 Eddie為佢做咗好多嘢,但問題已經唔喺 Eddie身上,係佢發現自己好想過番單身生活,覺得一個人自由自在好輕鬆。不過佢哋仲未完全達成共識, Eddie仲係好努力箍緊煲。」知情者說。

過去喜愛夜蒲,但現在 Eddie已改變生活習慣,只跟朋友夜跑。

Eddie好有老人家心,早前他的食肆免費派包給老友記。

朱慧敏和 Eddie的婚事本已進行得如火如荼,早前二人更去買金器。

一齊搞華星客棧,令朱慧敏和 Eddie多了磨擦,二人漸多分歧。

同 Eddie婚期繼續押後,慘被《愛.回家》大結局重播朱慧敏的拒婚戲抽水。

朋友關係

男女分手,唔一定會惡言相向,反面收場,不少圈中情侶,就算其中一方犯錯導致分手,都可以好來好去,甚至做得番朋友。

鍾舒漫吳浩康

吳浩康當街攬啜巨胸妹 Yvette斷正,未婚妻鍾舒漫心死,立即發表「單身宣言」,將未婚夫吳浩康降呢為普通朋友。

鄺美雲林達民

拍拖三年,鄺美雲與恒基地產營業部總經理林達民經常恩愛示人,今年二月,有傳 Cally因為男友不肯改大男人性格,決定將關係由男友變朋友,但鄺美雲亦坦言不排除將來有機會復合。

謝婷婷戴尚安

謝婷婷跟戴尚安拍拖一年,去年突然分手,婷婷表示二人做好朋友比做情侶好。

鍾意就快D Share啦!