《老笠》噚晚喺尖沙咀海運搞首映，主要演員曾國祥、郭偉亮(Eric Kwok)、崔碧珈都有出席，曾志偉就嚟撐個仔，王敏奕都有嚟撐男友，樂基兒就係獲導演邀請出席。Eric Kwok同崔碧珈喺戲入面嘅焦點，嗰場大膽親熱戲，搞到Eric差啲「頂痰罐」，Eric上次同老婆Grace一齊睇，話要揞住老婆隻眼：「佢無嘢，都係劇情需要，佢冇仔細問我，我都唔想答得咁進擊，不過會同佢去旅行補數，佢好開通。」咁Eric會唔會接全裸戲？佢話：「應該唔會，之前拍嗰部《有客到》露股，老婆叫我下次唔好，唔好俾全世界睇。」崔碧珈話自己拍嗰陣都尷尬，唔敢睇PLAYBACK，自己冇男友，係媽咪有睇，佢話媽咪好開通，好支持佢拍電影。嚟緊星期四就係曾志偉63歲大壽，佢話自己唔會大搞，會同屋企人過，想低調，但係會有一百幾十人慶祝，問到佢有咩生日願望，佢就話：「希望香港可以過得開心啲」，問佢點解新抱王敏奕唔陪佢入場，佢笑笑口話：「因為新抱成日變。」咁會唔會叫曾國祥俾新抱茶佢飲，佢話：「話知佢。」樂基兒無諗過拍戲咁長遠嘅事，嚟緊夏天佢都開始會滑水，佢希望喺香港滑唔會俾人影到。
| 攝影：仇志德 |  Eric Kwok同崔碧珈拍親熱戲拍到差啲要頂痰罐 |  做咩事瞪到隻眼咁大呢？ |
 周家怡 |  曾國祥 |  J.Arie |
 樂基兒話遲下會玩滑水，仲希望唔好俾人影到 |  KB、火火 |  大合照 |
 曾志偉被問到點解新抱王敏奕唔陪佢入場，佢笑笑口話：「因為新抱成日變。」 |  |  曾國祥、王敏奕 |
來源 source: http://hk.apple.nextmedia.com
|
鍾意就快D Share啦！
|
|
|
